1 Samuwel 28:6 - NABUWWA KEE MALIKWA

⁶ Too waqdi, «YALLAW, maca aboo?» axcuk, YALLAL fayu essere. YALLI tu kaal magacisinna. Soonol kaal gacsem maliiy, hinnay kaadu, *Urim kee Tummim kabuk kaal gacsem maliiy, nabuwwâ kabuk kaal gacsem mali.

1 Samuwel 28:6 ပူးပေါင်းရင်းမြစ်များ

2 Samuwel 22:42

Cato gorriseeniih, isinni cattam weenih. YALLAL cato esseren; keenik moggolinna.

Ermiyaas 23:28

Soono yuble num, ‹Anu wonnah tan soono uble›, axcuk, yuble soonot yaabek faxeemi'mmay, ‹Yallih wacyi yol oobe› axce waama. Wonna hinna'mmay, nummah yok kaal obte farmo tekkek, qaduk keenih warsaamaay nummat ken lih yaabaama. Caffa kee daro inkim hinna. Tahat yabtam yoo YALLA.

Ayyuqel 2:28

«Sarrak kulli maral inni Roocaaniyya oobiseyyo. Siinik lab-xaylo kee say-xaylo yi farmo sinaamah warsele. Idoola siinik soono sooniteleeh; furrayna siinik sirri innah tanim ablele.

Miika 3:7

‹Sarra woh akkeleeh, ah akkele› iyya mari iyyeemit wacarriyele. Anu ken yab moggolaay, tohuk gexxaamah qawratak radelon» iyye.

1 Samuwel 14:37

Too waqdi Saawul Yallak, «Filistiin-marat qeebi abnek, iisa neh acee mantuu?» iyye. Yalli too ayro tu kaal magacisinna.

1 Samuwel 28:15

Sarrak Samuwel Saawuluk annah iyye, «Aade macah yoo kaltaah, addunya macah yoo gacissa?» kaak iyye. Saawul iyyemii, «Anu kaxxa gadaamah addat an. Filistiin mari qeebit yoo yabbixe. Yalli yo'lih mayanaay, soonol tu yol gacisu cineeh, hinnay kaadu, nabuwwâ kabuk yol gacsam aalle cineh. Tonna-leemik abeh meqem yoh warissa'gidih koh seece» 'yaanam kaak iyye.

1 Samuwel 28:5

Saawul Filistiin qaskar yuble waqdi wariggiteh, meysih axaxiteh.