1 Samuwel 28:14 - NABUWWA KEE MALIKWA

¹⁴ «Ma ceelo luk teneh?» teetik iyye. Isiiy, «Idaltuh yan numuy rarayto xagarat lehiyyak ten» kaak inte. Too waqdi Saawul tohum Samuwel kinnim yeexegeeh, kay massakaxxah baaxok bagul gommoh rade.

1 Samuwel 28:14 ပူးပေါင်းရင်းမြစ်များ

1 Malikwa 19:19

Tohuk lakal Eliyyas gexeeh, sarrak Eliisaq namma awuruy *madmad edde yanihiyyat abquruk kaah suge. Kaa'lih kaadu *madmadat tittat yoxeen awurwak labaatanna kee namma awuruy nammay nammayah axawah tittat yanihiyyat baaxo yabqure mari yen. Usukuuy salafat keenik tan namma awurut abquruk yen. Sarra Eliyyas saro isik kalla heeh Eliisaqal hee.

2 Malikwa 1:7

Malik too waqdi iyyemii, «Woo num maca ceelak yen?» iyye.

2 Malikwa 2:8

Sarrak Eliyyas rarayto isik kalla heeh gabat makmakka heek lakal woo weeqaytu edde yootoke. Too waqdi woo weeqayti namma'kkel kurruume. Sarrak kaa kee Eliisaq kafin baaxok bagul weeqaytuk woo qaxa fan taben.

1 Samuwel 15:27

Sarrak Samuwel gexoh enkeleelebba 'ye waqdi, Saawul saro kaak yibbixe. Woo saro qanxixxeh.

1 Samuwel 24:8

Tohuk lakal Dawud kay lakat eweqqa 'yeh, «Amoytaw» kaak iyye. Saawul salafah wagga hee waqdi, Dawud kay assakaxxiyyah qansah baaxo xagam fan qununna 'ye.

1 Samuwel 28:13

Malik Saawul, «Mameysitinaay, away tublem macaay?» teetik iyye. Kaak inteemih, «Roocaaniyya baaxoh addak awaqih uble» inte.