1 Samuwel 27:8 - NABUWWA KEE MALIKWA

⁸ Too dabaanal Dawud kee kay mara Gasur kee Gixxa kee Qamaalek maray dumaak woo baaxol elle sugehiyya buubak sugen. Ta mari Sur deqsita rasuk xabba haanamaay Masrih amma 'yaanam tan baaxol, dumî dabaanal guubuh elle sugen.

1 Samuwel 27:8 ပူးပေါင်းရင်းမြစ်များ

2 Samuwel 14:23

Waqalak wadir kaa baaha'gidih, Gasur fan gexeeh; Absalaam gabat hayya heeh wadir Yarusalaam fan yuduure.

2 Samuwel 14:32

Absalaam kaal gacsemii, «Anu ama 'yaanamih farmo koh ruubeeh mamattito. Tohuk gexxaamah, ‹Gira edde ruuba› keenik exce. Malikil gexxa 'teh, anu Gasuruk akke fan akah emeetem, yoh kaak essertam kok faxe. A baaxo amaateemik, wokkel elle aadem yoh aysuk ten» kaak iyye. Yab tokket mayseedinnay bisoh beeh, iyyemii, «Away malikit angoorowem faxak, kaat elle angoorowe'nna yoh bicis. Hoxissem yoo tekkek, usuk raba yol yackumay» iyye.

2 Samuwel 3:22

Tohuk lakal Yowab kee gersi qaskar abbobti akah gexxeh sugte gaaduk tuduureeh, mango duyye dannabah gabat baahen. Cebron fan yemeeten waqdi, Dawud amaanah kaa ruubeemih sabbatah, Abner Cebroonul masuginna.

2 Samuwel 3:3

Nammeyhaak xale baxi kaak migaaqah Kilab deqsitak yen. Too awkih ina kaadu Abiigal deqsitta barrak ten. Ta barra kaak dumal Nabal deqsita numuy Karmel deqsita aracal dabqah yenehiyya abbaxuk yen. Usuk rabe saaku gubnah elle raqte ikkel Dawud tet abite. Sidochaytô-baxi kaak migaaqah Absalaam deqsitak yen. Ta awkih ina kaadu Maqka deqsitta barrak ten. Tet abba Gasur deqsitta baaxoh malikik yeneeh; migaaqah Talmayi kaak axcuk yenen.

1 Aydaad 2:23

Tohuk lakal Gasur kee Aramal dardarte abbobti Gilqadat qeebi abteeh; lactam magaala yibbixen. Yaaqir wokkel luk suge gaandoodi kee Kenat deqsitta magaala kee tet dariifal tan mandarwa inkih yibbixen. Woo baaxol suge mari inkih, Makirik rade mara.

Yoosuwa 12:5

Too num malikih elle yenemii, inkih yan Basan rasuy Gasur kee Maqka deqsitta baaxooxah cuduuduh amma 'yaanam takke baaxo kee Cermon qale kee Salka deqsitta baaxok ten. Tohuk kalah Gilqad rasuk garab kayimik ten. Tohumuu Sicon deqsita malikiy Cesbon magaalal yenehiyyah baaxoh cuduuduh amma 'yaanam tan baaxo.

Yoosuwa 13:2

Inkih yan *Filistiin rasu kee Gasur deqsitta baaxo kee, gabbi-qaxat raqta baaxoy Qawwim deqsita mari elle yani uxih mabbux mali. Tohum, Sicor dabba deqsita aracay Masri cuduudul geytimahiyyak xabba haanamaay kilbat le kabuk Ekron cuduuduh amma 'yaanam tan baaxo kee, Filistiin malikwa elle tan Gaada kee Asdood kee Askalon kee Gat kee Ekron deqsitta magaaloolik ten. A baaxoy Kanqaanal yaaxigeenihiyya inkih uxih mabbux mali.

Yoosuwa 16:10

Efrayimih yooboke mari Kanqaan deqsita maray Geser deqsitta magaalal sugehiyya wokkek mayyaaqinnoonuy, yanoonay ken iyyen. Takkay immay isinni naqoosah ken haysitteeniih; ta saaku fanah too naqoosah yanin.

Makaabon 1:29

Efrayim mari kaadu Kanqaan maray Geser deqsitta magaalal sugehiyya mayyaaqinnoonuy, elle yanoonay ken iyyeeniih; too mari too magaalal elle ken lih raaqe.

1 Samuwel 29:6

Too waqdi Aakis Dawuduh seeceeh kaak iyyeemih, «Atu aamanti le numuh yok sugteemih YALLAY waarahiyyal xiibita. Yi fanah amma 'teemiy a saaku fanah kok uble qellat mayyu. Tonna-leemik yo'lih gexxaah qeebit tangalem kok faxak en. Takkay immay yo'lih tan malikwa woo tiya yok moggolinna.

1 Samuwel 30:1

Namma ayrok lakal Dawud kee kay mara Xiklag magaala gufte. Qamaalek-mari gabbi-qaxat raqta Yuudâ-baaxo gaadeeniih Xiklag-magaala yibbixen. Woo magaala carriseeniih, agabu kee xaylo inkih yibbixen. Sugga 'teemik num maqidinnoonuy seewah gabat luk gexen.