1 Samuwel 24:14 - NABUWWA KEE MALIKWA

¹⁴ Meqehik, Israayil malikow, a qiddam faxxam kinni num maay table? Xakaake kaltam kinni num isik table? Rabe kutak ayse sinni kannaadi gideh yan numu.

1 Samuwel 24:14 ပူးပေါင်းရင်းမြစ်များ

2 Samuwel 16:9

Abiisay deqsita num ah yuble waqdi, Dawuduk, «Yi amoytaw, a kuta is xaafi macah haytaa? Gexeh moyya kaak kalay yoo m'inta?» kaak iyye. Abiisay-ina Xaruya deqsitta barrak ten.

2 Samuwel 3:8

Abner toh yoobbe waqdi bagcarriteeh iyyeemih, «Kutay waqdiiy numut taba yoo maay takkale?» iyye. Kaadu qagseh iyyemii, «Ta saaku fanah ku abbak raaqe buxah mara kee kay ahli kee kay kataysis lih baguuk an. Dawud marak taham fanah gaci sin mahanniyo. Yooy tohut yanik atu a saaku, ‹Abner yi abbak raqte barrat fido faxe› 'yaanam yol haytaa?

2 Samuwel 6:20

Sarrak Dawud isi buxah marah dooqa aba'gidih yemeete waqdi, Miikal qari afal kaah garayteeh, too waqdi kaak intemii, «Kamba a saaku Israayil amoytaw, kaxxam migaq is teymeeqe! Isi gubal taamita marih baxuuwuy ken naqoosah yanihiyyah foocal, duqur innah qasunuk is hayya hayteeh; kamba migaq is teymeeqeh!» kaak inte.

2 Samuwel 9:8

Mafiboset qagteh qansah baaxo xagam fan qununna 'yeh, «Gadda gey, yi amoytaw» iyye. «A yooy rabe kuti bis le kassitteemih, gadda gey» iyye.

1 Malikwa 21:7

Idebal too waqdi annah kaak inte, «Meqehik, atu malik kinnitoo hinnito? Katay, qarkaytok ugutay, mawariggitinay maaqo ukum. Nabotuk qinab-booxa anu koh ayyaaqeyyok, ama ikkek ugut» axcuk aytikuma kaah tecee.

Hosiqa 10:13

«Takkay immay isin yi yab cinna hayteenih umaane tubqureeniih; woo umaaney tubqureenihiyya orbisitten. Isinni diraabat geyten murtik adoobitten. Toh akah tekkem macaay inteenik, isinni qande kee isinni qaskaray kaxxam mangohiyyal kibalsitteenimih sabbata.

1 Samuwel 17:43

Too waqdi Dawuduk iyyemii, «Amah maca akak abta caxxay? Yoo kuta maay takkale?» kaak iyyeeh, yalla iyyeh yaqbude duyyeh migaq xagga heeh kaa abaare.

1 Samuwel 26:20

Yoh tu gactek, YALLA elle aqbude waan baaxol rabam mafaxa. Tonnah tanim yol mabaahin. Israayil malik yooy kannaadi bis lehiyya akah qidam faxaamak sabab macaay? Ali innah admoh lakak yoo akah tayraddem maca?» kaak iyye.