1 Samuwel 20:41 - NABUWWA KEE MALIKWA

⁴¹ Awki gexek lakal, Dawud sasot edde suge xaluuqah addak yewqeeh, assakaxxiyyah gulubuh gacca 'yeh sidiica adda gommoh rade. Too waqdi Yonaatan kee kaa titta fugutteh, numuuy numul weeqah hayya hee. Dawuduk afqado Yonaatan kaak baxsimam xiqe cinteeh, Yonaatanak muxxi biyaakite.

1 Samuwel 20:41 ပူးပေါင်းရင်းမြစ်များ

2 Samuwel 1:2

Nammayhaytoh ayrok wadiril furraynuh yan awkii, Saawul macaxi mafdagah luk suge aracak, amol siisa heeh rookak gexxaamah sara isik qanxiseh, yemeete. Dawud fanah yemeeteeh kay assakaxxiyyah qansah baaxo xagam fan baaxok bagul qununna 'ye.

2 Samuwel 1:26

Toobokoyta Yonaatanaw, yi kacnoytaw, meqe qalla yo'lih luk ten; yoh muquk ten. Atu afqadook yoh abtaah, yoh lito kacni say numuh aban kacanuk aysuk raaqa. Koh rookitak weeqah an, yi Yonaatanaw.

2 Samuwel 14:4

Too yaabal taaxige barra malikil gexxeeh, kay massakaxxah baaxo qansah xagtam fanah qununna inte. Sarrak, «Yi malikow, ku cato faxak emeete» inte.

2 Samuwel 19:39

Tohuk lakal Dawud kee Dawud mara Ordonuk tabteh. Too waqdi Dawud, Bardillay fugga heeh sarrak dooqa kaah abe. Bardillay isi buxah yuduure.

2 Samuwel 9:6

Mafiboset yemeete waqdi, Dawudut abeh yan assakaxxiyyah, foocal qansah baaxo xagam fan qununna 'ye. Dawud, «Mafiboset akak 'yaanam koo?» kaak iyye. Usukuuy, «Yeey, yi amoytaw» iyye.

1 Malikwa 1:16

Batsabaq kay massakaxxah qununna 'te. Too waqdi malik, «Maca faxak temeete?» teetik iyye.

1 Malikwa 1:23

Malik Dawuduh nabi Naatan yemeetem warseeniih; Naatan addah kaal cule. Malik foocal kay massakaxxah qununna 'yeeh; sarrakaa,

1 Malikwa 1:31

Too waqdi Batsabaq kay massakaxxah qununna 'te. Sarrak, «Yi amoytih qumri yaxxeeray» kaak inte.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 18:3

Yonaatan Dawudut abeh yan assakootiyyak gexxaamah, aggiriqe sinni fantaaxaw itta luk haysiten.

1 Samuwel 20:40

Tohuk lakal Yonaatan awkak, «A silac gabat beyay magaala uduur» iyye.

1 Samuwel 24:9

Sarrak kaak iyyeemih, «Kot yoo yaysamme maray ‹Dawud umam kol baaham faxa› iyyahiyyah yab macah taabbe?

1 Samuwel 25:23

Abiigal Dawud tuble waqdi, danan elle cabba hayteh gexxeeh, kay massakaxxah baaxok bagul qansah baaxo xagtam fanah Dawuduk ibi gubal qununte. Too waqdi inteemih, «Yi abbaw, axcem yok oobbey. Usuk baahem yol cab.