1 Samuwel 2:35 - NABUWWA KEE MALIKWA

³⁵ Imaan yol le numuy anu aba axcem abahiyya seekih heeyyo. Too seekik ramad raaqele. Too ramad anu dooru waa malik lih gacca 'yeh, yoh taamitele.

1 Samuwel 2:35 ပူးပေါင်းရင်းမြစ်များ

2 Samuwel 7:27

YALLAW, Israayil dooreh, Nabaamak Naba Dageltaw, ‹Buxa innih koh xiseyyooh, ramad kok aymaggeyyo› 'yaanam yok inte. Tonna-leemiik a dooqa edde aba niya yot gacte.

1 Malikwa 1:45

Saaduk kee Naatanak, ‹Isin Gicoon buyyih garil kaa uskuta› 'yaanam iyye. Tohuk gaba kalen waqdi, too mari wallitakaay kayyiqtu edde haak magaala yemeeteenih; away aabbuk sugteenim too xongolo.

1 Malikwa 1:8

Sek-Saaduk kee Yoyadáq-Banaaya kee Nabi-Naatan kee Simqi kee Reeqi kee Dawudut dacayrih ten qaskar a malat kaa'lih mananna.

1 Malikwa 11:38

Yi naqasuh yen Dawud akah abak suge innah, anu kok aba axceemik tu cabe'kal duudusseeh, anu oobise xinto aba intam abteeh, anu koo akah amrisam abak, yi garil cakkik tan taamat ase koo tekkek, kulli way ku qaxat gaceyyo. Israayil malik koo abeyyooh, Dawuduh akah abe innah, ku lakal kok radu waa marak numuk teena reediseyyo.

1 Malikwa 2:35

Too waqdi Suleeman, Yowab luk suge qaskar abbootan Banaayah yecee. Abiyataar luk suge seekah abbootan Saadukuh yecee.

1 Aydaad 29:22

Tohuk gexxaamah, uqubba heeniih, maaqo akamuk, farcatat YALLIH qiidih asen. Dawud baxa Suleeman nammeyhaak malik aben. Too saaku YALLIH migaq edde xagak, malik yakke'gidih kaa yuskuteeniih isinni malik kaa aben. Kaxxa-seekih kaadu Saaduk yuskuten.

Yacedkel 34:23

Malik Dawuduy yi naqasuh yanihiyyah innah yan loynaytu keenih heeyyo. Too loynayti ken dacrisele.

1 Samuwel 10:10

Saawul kee kay taamat yan num Gibqat gufte waqdi, butta takke nabuwwa kaat garayte. Too waqdi Yallih-Roocaaniyya isi milkih kaa hayte. Sarrak usuk, oson aban diini rigdot ken lih yengeleeh, keenik kaxxih nabuwwah innah yaabe.

1 Samuwel 10:9

Saawul Samuwel garik daqaarima'gidih enkeleelebba 'ye waqdi, Yalli Saawuluh qusba afqado yecee. Samuwel kaak inxicca 'yem inkih too ayrot edde tekke.

1 Samuwel 12:3

A tableenim yooy; qellat celtaamak tu siinil baaheh sugek, YALLA kee YALLI doore malikih garil yol haysita. Awur akkiiy danan akki akak bee num yenek, hinnay kaadu, ayrise kee hinnay edde xukkuteh suge num yenek, hinnay kaadu, guqul akak bee num yeneeh, tahak tuk teena elle baahe num yenek, yot haysitay kaah mekleyyok» iyye.

1 Samuwel 16:13

Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.

1 Samuwel 2:36

Kok rade marak saaboh raaqinnaan mari a seekiy anu dooru waahiyyah durruyyatal lakqo kee maaqô-kallacih gexele. «Labhay, maaqô-gide edde geyna taamat nee haa; sin akdumennok», axcuk ken kallacelon 'yaanam kok axce› » kaak iyye.

1 Samuwel 25:28

Anu baahe qellat eellek, qafu yoh ab. Atu abtam YALLI kok aba iyye carbi kinniimih sabbatah, koo kee kok raddem inkih malikwa akketton. Addunyâ bagul tanim fanah, umaane elle geytinta num akke koo kalay.

1 Samuwel 3:1

Samuweliy awkah yanihiyya Qeli-gubal anuk, YALLIH taamat yen. Too dabaanal YALLAK tamaate farmo daguk teneeh; kaak ooba wacyi kaadu daguk yen.

1 Samuwel 7:9

Too waqdi Samuwel anaqtu qideeh, woo anaqtu elle yani'nnaak YALLIH sadgatah cararise. Sarrak YALLI Israayil ummatah nasri yecee'gidih dooqa abe. YALLI too dooqa kaah oggoleh.

1 Samuwel 8:3

Tonna'mmay, oson isinni abbah gita kataata marak manannon. Lakqô-fayxi kaxxam luk yenen. Tonna-leemiik sahdak guqul beyak yeneeniih, ummattah yab gitah meklak manannon.

1 Samuwel 9:12

Woo baxuwuuy, «Yeey yanih, away siinik foocat gexe. Sissikuk gexxeenik, kaa gee liton. Magaala akah culten innaak kaa geetton. A saaku ummatta Yallih migaaqal sadgat elle aban aracal sadgat abeloonuuh; tohih sabbatah usuk magaala yemeete. Woo arac akah seecen mari, usuk amma 'yeh dooqa abe'kal, woo sadgatih maaqo mayakman. Taway gexxeenik, maaqo makumuh woo sadgat elle aban qale awqe'kal siinih sugele» keenik iyyen.