1 Samuwel 2:18 - NABUWWA KEE MALIKWA

¹⁸ Toh tekke way Samuwel awkah yeneeh, *baftak bicsen kameesit gacca 'yeh, YALLIH taama abak yen.

1 Samuwel 2:18 ပူးပေါင်းရင်းမြစ်များ

2 Samuwel 6:14

Sarrak Dawud, *baftak bicsen footay rikek tanihiyya ittikiyya heeh, YALLIH massakaxxah quuruk leemik yirgide.

1 Aydaad 15:27

Dawud nabam xagar meqe *baftak bicsen sartanat gaceeh; Leewih yooboke maray Sandug akkuquk yenehiyya kaak kaxxih, too bis le sartanat gacen. Tonnah kaadu, saare abak yen mara kee, keenik abbah yen Kananya too xaqan le sartanat gacen. Dawud too sartanak kalah *baftak bicsen saroy rikeek tanihiyya isit heeh yen.

1 Samuwel 14:3

Aciiya deqsita sek rikeek tan saroy dibuk sek haysitahiyya gacak, kaa'lih yen. Usuk Ikabod-saqalay Aciitub deqsitahiyyak baxak ten. Aciitub Fincas baxak teneeh, Qelik kaadu baxi baxak ten. Qeli dumal Siilo deqsita aracal YALLIH seekih yen. Wokkel suge mari Yonaatan gexem able'kal raaqen.

1 Samuwel 2:11

Tohuk lakal Elkaana Raamal tan isi buxa fan yuduure. Takkay immay Samuweliy awki baxah yani wokkel Qeli deqsita seekil kaa caben. Tokkel, Qeli deqsita sek aba kaak iyyam abak, YALLIH taamat gace.

1 Samuwel 2:28

Yi taamat gacak, yoh aban sadgatah baahan saqa elle qidan aracal sadgatah baahan saqa yasguudeenim kee, yoo elle yaqbuden aracal qerto ruubaanam kee, rikeek tan saroy sek haysitahiyyat gacca 'yeenih fayu yol esseraana'gidih, inkih tan Israayil ummatih addak yi seeka ken abe. Israayil ummat yoh carrisan sadgatih cadok exxa kenim takkay› 'yaanam exce.

1 Samuwel 22:18

Toh yuble waqdi Saawul Dowegik, «Atu ken qid» iyye. Too waqdi Doweg too seeka inkih qide. Too ayroh addat Doweg bacra-taban kee koona sek qide.

1 Samuwel 3:1

Samuweliy awkah yanihiyya Qeli-gubal anuk, YALLIH taamat yen. Too dabaanal YALLAK tamaate farmo daguk teneeh; kaak ooba wacyi kaadu daguk yen.