1 Samuwel 19:24 - NABUWWA KEE MALIKWA

²⁴ Tokkel gersi marak kaxxih dallaabiyay edde suge isik kalla heeh Samuwel foocal nabuwwah innah yaabakaay xongolak yen. Laqo kee bar inkih tonnal inaaqat suge. «Saawuluuy kinni way nabi yekke kunna!» 'yaanamih missili tokkek raaqe.

1 Samuwel 19:24 ပူးပေါင်းရင်းမြစ်များ

2 Samuwel 6:14

Sarrak Dawud, *baftak bicsen footay rikek tanihiyya ittikiyya heeh, YALLIH massakaxxah quuruk leemik yirgide.

2 Samuwel 6:20

Sarrak Dawud isi buxah marah dooqa aba'gidih yemeete waqdi, Miikal qari afal kaah garayteeh, too waqdi kaak intemii, «Kamba a saaku Israayil amoytaw, kaxxam migaq is teymeeqe! Isi gubal taamita marih baxuuwuy ken naqoosah yanihiyyah foocal, duqur innah qasunuk is hayya hayteeh; kamba migaq is teymeeqeh!» kaak inte.

Yasaqya 20:2

Sidiica sanatak naharat, YALLI, Amóx-Yasaqyak, «Ibat lito kabel kee ama xagaral lito *qabudda isik kal» 'yaanam kaak iyyeh suge. Too saaku usuk Yalli kaak iyyem oggoleeh, xagaral saro maleh ib-qassih gexak suge.

Miika 1:8

Miika iyyeemih, «Tahamay siinit takku waytahiyyah sabbatah, anu rookat an, siinih qaadah. Siinih qaadaah, rookitam yok elle taaxagoonuh, ibqasih gexeyyooh, qasunuk baaxo meekiteyyo. Goroyyah innah kak axceyyo. Wakrih innah wiq axceyyo.

1 Samuwel 10:6

Too waqdi garciik YALLIH *Roocaaniyya isi milkih koo heeleeh, atu woo oson diinih aban rigdot ken lih angaletto. Atu kaadu keenik kaxxih nabuwwah innah yaabetto. Too waqdi akah suge wayte num akketto.

1 Samuwel 15:35

Samuwel too ayrok wadir Saawul abaluk maraaqinna. Takkay immay kaat tekkeemih tiyak kaxxam kaah qaade. YALLI kaadu Saawul Israayil-malik abeemit nadaamiteh.

1 Samuwel 18:10

Nammayhaytoh ayro garciik Yalli ruube ginni Saawulut culeeh xagar kaak yimlikeh. Isi qarih addal cissit ane sinni numih innah gabaak yaabe. Too waqdi Dawud kulli saaku akah abak yene'nnah *begena aagaruk kaa sahhaloysam yekkele waqdi, Saawul, «A gabat abbixe macaxuh kaat heeh gidaarat kaa maay xakbiso?» 'yaanam kaal temeete. Tohuk lakal woo macaxu namma adda kaat haa'gidih qide. Dawuduh tu gactek, namma adda inkih walel is raaqise.