1 Samuwel 19:23 - NABUWWA KEE MALIKWA

²³ Usuk wokke gexak elle suge'kkel, Yallih-Roocaaniyya kaa kaadu timlikeeh, Nayot guffa haam fan nabuwwah innah yaabakaay xongolak Nayot fan yemeete.

1 Samuwel 19:23 ပူးပေါင်းရင်းမြစ်များ

1 Samuwel 10:10

Saawul kee kay taamat yan num Gibqat gufte waqdi, butta takke nabuwwa kaat garayte. Too waqdi Yallih-Roocaaniyya isi milkih kaa hayte. Sarrak usuk, oson aban diini rigdot ken lih yengeleeh, keenik kaxxih nabuwwah innah yaabe.

1 Samuwel 10:12

Wokkel suge num, «A tablen nabuwwak abba iyyaay?» iyye. «Saawuluuy kinni way nabi yekke kunna!» inta maxco tokkek raqte.

1 Samuwel 10:6

Too waqdi garciik YALLIH *Roocaaniyya isi milkih koo heeleeh, atu woo oson diinih aban rigdot ken lih angaletto. Atu kaadu keenik kaxxih nabuwwah innah yaabetto. Too waqdi akah suge wayte num akketto.

1 Samuwel 18:10

Nammayhaytoh ayro garciik Yalli ruube ginni Saawulut culeeh xagar kaak yimlikeh. Isi qarih addal cissit ane sinni numih innah gabaak yaabe. Too waqdi Dawud kulli saaku akah abak yene'nnah *begena aagaruk kaa sahhaloysam yekkele waqdi, Saawul, «A gabat abbixe macaxuh kaat heeh gidaarat kaa maay xakbiso?» 'yaanam kaal temeete. Tohuk lakal woo macaxu namma adda kaat haa'gidih qide. Dawuduh tu gactek, namma adda inkih walel is raaqise.

1 Samuwel 19:18

Toh inkih tekke waqdi, Dawud kudeh, Saamuweliy Raama magaalal yanihiyya fan gexe. Tokkel Saawul kaal bahha heem inkih kaah warse. Tohuk lakal Dawud kee Samuwel Nayot deqsita arac fan gexeenih wokkel elle yeeden.

1 Samuwel 19:20

Too waqdi kaa yaxayu waa mara kaah ruube. Woo mari, Samuwel foocat akak yan nabuwway butta takkeey nabuwwah innah yabtah xongoltahiyya yublen. Yallak keenil obte *Roocaaniyya too mara kaadu timlikeeh, too waqdi Saawul ruube mari woo marat yengeleeh, kaadu nabuwwah innah yaabakaay xongolak yenen.

1 Samuwel 19:22

Ellecabol isih Raamâ-magaala fan yemeete. Seku deqsita aracal yen kaxxam naba qeela gufe waqdi, Samuwel kee Dawud elle tani'kke wokkel suge marak essere. Too mari, «Samuwel kee Dawud Nayotul tan» kaak iyyen.