1 Samuwel 19:18 - NABUWWA KEE MALIKWA

¹⁸ Toh inkih tekke waqdi, Dawud kudeh, Saamuweliy Raama magaalal yanihiyya fan gexe. Tokkel Saawul kaal bahha heem inkih kaah warse. Tohuk lakal Dawud kee Samuwel Nayot deqsita arac fan gexeenih wokkel elle yeeden.

1 Samuwel 19:18 ပူးပေါင်းရင်းမြစ်များ

1 Samuwel 1:19

Ciggilta ayro Elkaana kee kay buxah mara maaca dibroh ugutta yeenih YALLA yuqbudeenih. Sarrak Raamal tan isinni buxa fan gexen. Elkaana Canna lih xiineeh, YALLI is kaa akah kallactem teetih duuduseh.

1 Samuwel 15:34

Sarrak Samuwel Raama fan gexe. Malik-Saawul Gibqal tan isi buxa fan yuduure.

1 Samuwel 19:19

Sarrak Saawul, Dawud Nayot deqsita aracay Raamal geytimahiyyal yani 'yaanam yoobbe.

1 Samuwel 19:22

Ellecabol isih Raamâ-magaala fan yemeete. Seku deqsita aracal yen kaxxam naba qeela gufe waqdi, Samuwel kee Dawud elle tani'kke wokkel suge marak essere. Too mari, «Samuwel kee Dawud Nayotul tan» kaak iyyen.

1 Samuwel 19:23

Usuk wokke gexak elle suge'kkel, Yallih-Roocaaniyya kaa kaadu timlikeeh, Nayot guffa haam fan nabuwwah innah yaabakaay xongolak Nayot fan yemeete.

1 Samuwel 20:1

Tohuk lakal Dawud Nayot deqsita aracay Raamal geytimahiyya cabeh, megloh Yonaatan fan yemeete. Yonaatanak iyyeemih, «Baahem macaay? Sugay! Baahem mannah yan biilu? Ku abba yoo akah qidam faxam macaay? Maca kaal baaheeh?» iyye.

1 Samuwel 21:11

Too malikih gubal taamitak yen mari malikik iyyeemih, «Ah Dawuduy isi baaxol malikih yenehiyya hinnaa? Agbi, ‹Saawul mango alfi yakke mara qide'mmay Dawud mango tabanih alfih num qide› akah iyyeeh gad akah abe num hinnaa?» iyyen.

1 Samuwel 28:3

Samuwel rabeemih waqla taturte. Israayil mari inkih too saaku kay rabah rookite. Magaqah elle yooboke Raamah magaalal kaa heen. Takkay immay Samuwel yen saaku, Saawul ginnili kee kalluwalley Israayilil sugga 'tehiyya baaxok dirkih yeyyeeqeh yen.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.