1 Samuwel 18:17 - NABUWWA KEE MALIKWA

¹⁷ Ayrok teena Saawul Dawuduk iyyeemih, «Inni baxá digibih koh abam faxa. Awkák migaq Meeraba. Tonna'mmay inni baxá koh abaamak dumalaa, agiruh yan qaskariitay digga le takkeemiiy, YALLIH migaaqal abna carbi abettoomul, koo kee yoo naharak titta geynam meqe» kaak iyye. Saawul woh akah iyyemii, tonnal Filistiin mari carbil kaa qideleeh isih kaa qidaamak ken gabat kaa qidsiisa'gidik ten.

1 Samuwel 18:17 ပူးပေါင်းရင်းမြစ်များ

2 Samuwel 11:15

Yowabah yuktube farmô-warkat annah axcuk ten. «Qeebi rada waqdi, Uriyya qeebi elle qilsim table ikket qaskarak foocat kaa hay. Too waqdi qeebit akah raba'nnah edde kaa cabba haay, isinnih wadir kaak iissa 'xica» 'yaanam heeh yen.

2 Samuwel 12:9

Hay, yi amri cinna hayteh makkook isi amril taamitte. Yi garil annah tan gacta taamat akah assem macaay? Uriyya qiddem Qammon mara'mmay, wohim elle takke'nna bicissem koo. Uriyya barra isih haysitte.

2 Samuwel 6:16

Sandug Yarusalaam magaala culsan waqdi, Saawuluk raqte baxáy, migaaqah Miikal deqsitak teneeh Dawud abbaxuk yenehiyya, taagatak afah wagga hayte. Too waqdi tet baqalay YALLIH massakaxxah wonnak annah kaqitaah, taahirik tan rigdoh yargidehiyya tuble. Toh tuble waqdi, «Ah tu'numuk tanih matan» 'yaanam niyal hayteeh kaa burutteh.

1 Samuwel 14:49

Saawuluk lab-xaylo Yonaatan kee Iswi kee Malkisuwaq deqsitak ten. Say-xayloh migaq kaak Meerab kee Miikal deqsitak ten. Meerab Miikal naharat teneeh, Miikal karmah teetik qunxuk ten.

1 Samuwel 17:25

Sittak iyyeenimih, «A num Israayil mara elle bursuta'nna ubula» iyyen. «Malik Saawul a num qidu waa numuh kaxxa acwa aceeleeh, kaadu isi baxá digibih kaah abele. Kay buxah marak gabbara mabeya» sittak iyyen.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 17:47

Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.

1 Samuwel 18:21

Ahaysa, «Miikal kaah abeyyooh, tet gabat oflot akah rada innah, kaak abeyyo. Ellecaboh Filistiin marih gabat rabele» 'yaanam isi bagul yuscube. Tohuk lakal Dawuduk qagseh iyyeemih, «Ballu yok akkettooh baxá koh abeyyo» kaak iyye.

1 Samuwel 18:25

Tohuk lakal Saawul kaadu too maral farmo kaah ruubeeh iyyeemih, «Malik, ‹Isi baxál alkumuh bool yakke Filistiin mara qidda hay labiinak kombor-arab kalla haay yoh keenik bah. Tohuk sah kok faxam mayyuk, tohum ni naqboytiitih digaala akkele, kok iyyah yan› inxicay kaah warisa» 'yaanamih farmo kaah ruube. Saawul toh kaa elle qidsiisa'gidih iyyeemik ten.

1 Samuwel 18:27

Dawud kee kay mara gexxeeh; Filistiin marak namma bool num qideenih yemeeten. Kombor-arooba bahha heeh, malikik foocal lowwa heeh, namma bool duudussa kaal hee. Tohuk wadir, Saawul is baxá rihimih kaah yecee.

1 Samuwel 25:28

Anu baahe qellat eellek, qafu yoh ab. Atu abtam YALLI kok aba iyye carbi kinniimih sabbatah, koo kee kok raddem inkih malikwa akketton. Addunyâ bagul tanim fanah, umaane elle geytinta num akke koo kalay.

1 Samuwel 30:26

Dawud Xiklag-magaala yuduure waqdi, dannabah orbisen duyyek tu takkem kataysis kee Yuudâ-makaaboonuh afti farmo lih hayya heeh ruube. «YALLIH naqboytiitik buubneh bahne duyye mattacoh siinih rubna» 'yaanam iyye.