1 Samuwel 17:7 - NABUWWA KEE MALIKWA

⁷ Kalah kaadu, lafudda le caxxi macaxu luk yen. A macaxuk af malcina kiilo yakke birtak bicseenih yenen. Aki qaskariiti foocat kay gob gabat hayya heeh kaak gexak yen.

1 Samuwel 17:7 ပူးပေါင်းရင်းမြစ်များ

2 Samuwel 21:16

Too qeebit Yisbebanob deqsita numuy kaxxam masu lehiyya yen. Too num sidooca kiilo kee garab yakke macaxuy nacaasak bicseeni gabat abbaxuk sugeeh, qusba seef kaadu bagul luk sugeeh, qeebi addat Dawud qidam faxe.

2 Samuwel 21:19

Tonnah kaadu, ken kee Filistiin marih fanal Goob deqsita aracal gersi qeebi radeeh, Yaaqír-Elcanan deqsita numuy Beetlacam magaalal yoobokehiyya Golyaad deqsita numuy Gat-magaalal yoobokehiyya qide. Too numih macaxi kaxxa masu luk yen.

1 Aydaad 11:23

Tohuk kalah kaadu, kaxxam masu naba Masri-num qide. Too num xexxaarah namma mitrik amo gexak yeneeh, silaacah kaxxa masu le macaxu luk yen. Banaaya naharak gabah caxxat kaa yoogoreeh, sarrak gabat luk suge macaxu gabak kaak bukkussa heeh, woo macaxut kaa qide.

1 Aydaad 20:5

Tohuk kalah kaadu Filistiin mara kee ken fanal kaxxa carbi rade. Too qeebil Israayilih yooboke Yaaqír-Elcanan deqsita numu, Gat magaalal yooboke Golyaadak toobokoytah yen numuy Lacmi deqsita qide. Too numih macaxi kaxxa masu luk yen.

1 Samuwel 17:41

Woo Filistiin-numuh tu gactek, gob kaah yakkuqe numuy foocat kaak gexahiyya lih Dawud fan yemeete.