1 Samuwel 17:58 - NABUWWA KEE MALIKWA

⁵⁸ Kaa baahen waqdi Saawul kaa essereeh, «Furraynow, iyyin baxa kinnito?» kaak iyye. Dawud, «Anu ku naqasuh yan Yiisay Beetlacamal yoobokehiyyah baxa kinniyo» kaak iyye.

1 Samuwel 17:58 ပူးပေါင်းရင်းမြစ်များ

2 Samuwel 2:32

Yowab kee kay mara Qasahel-lafa Beetlacam fan beeniih, tokkel kay buxah marih *kabrit kaa yoogoqen. Isinnihiiy inkih yan bar kuulak xinna 'yeenih, saaku maaci maacisam faxa waqdi, Cebron-magaala yimbiden.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 17:12

Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen.

1 Samuwel 20:6

Ku abba maaqo elle yakmen aracal yoo wayu waa waqdi, ‹Dawud manke gexe?› iyyek, ‹Buxâ-mara lih qiidih asam faxaah; kulli sanatal buxâ-mara lih sadgat edde abna ayrooy, gexam faxak ruksat yoh ucuy›, iyyeeh, ‹Ruksat anu kaah ecee› yoh inxic.