1 Samuwel 17:55 - NABUWWA KEE MALIKWA

⁵⁵ Saawul naharak Dawud Golyaadat qeebi aba'gidih gexah yuble waqdi, qaskarak abbah yen numuy migaaqah Abner deqsitahiyyak, «A awki iyyin baxay?» axcuk essereh yen. Woo numuy, «Yi amoytaw, anu maaxiga» 'yaanam kaal gacse.

1 Samuwel 17:55 ပူးပေါင်းရင်းမြစ်များ

1 Samuwel 1:26

Too waqdi Canna Qelik intemii, «Yi Saqalow, yoo maay taaxigeeh? Anu duma akkel solla exceh YALLA kallacak ten barra kinniyo.

1 Samuwel 14:50

Kay barra migaaqah Acinooqam deqsitak ten. Acinooqam, Acimqax deqsita numih baxák ten. Kay qaskarih abbah tenem, Abner deqsita numuk ten. Usuk Saawuluk qammih-baxak ten. Abba kaak Ner deqsita numuk ten. Ner Saawuluk qammik ten.

1 Samuwel 16:12

Tohuk gexxaamah Yiisa kay xaylok inkih qunxa baxay Dawud deqsitak yeneh farmo ruube. Dawud furrayniinot meqe xagar kee qax-maqaane inkih luk yen. Too waqdi YALLI Samuwelik, «Anu doore num tamah kaak, amol sukuti kaak hayis» iyye.

1 Samuwel 17:54

Dawud Golyaad-moyya Yarusalaam fan beeh, kay silac gabat luk raaqeeh, isi siraqih addal hee.

1 Samuwel 17:56

Malikiiy, «Hay, gexay esseray amey» kaak iyye.

1 Samuwel 17:58

Kaa baahen waqdi Saawul kaa essereeh, «Furraynow, iyyin baxa kinnito?» kaak iyye. Dawud, «Anu ku naqasuh yan Yiisay Beetlacamal yoobokehiyyah baxa kinniyo» kaak iyye.

1 Samuwel 26:5

Too xaagu gee waqdi xayuk ugutta 'yeh Saawul elle yinfiddige arac fan gexe. Saawul kee kay qaskarih abbay migaaqah Nér-Abner deqsitak yenehiyya xiinit elle yan arac yuble. Saawul elle yinfiddigen aracal qaskaray maroh kaat tanik addal xiinit yanim yuble.