1 Samuwel 17:51 - NABUWWA KEE MALIKWA

⁵¹ Sarrak arduk kaa fan gexeeh, amol kaak sollu 'yeeh, kay seef siibba heeh, moyya kaak edde yirgiqeh kaa qide. Filistiin mari Golyaad rabem yuble waqdi inkih kuden.

1 Samuwel 17:51 ပူးပေါင်းရင်းမြစ်များ

2 Samuwel 23:21

Tohuk kalah kaadu kaxxam masu naba Masri-num qideeh, too num gabat macaxu luk yene'mmay, Banaaya naharak gabah caxxat kaa yoogoreeh, sarrak gabat luk suge macaxu gabak kaak bukkussa heeh, woo macaxut kaa qide.

Aster 7:10

Sarrak Haaman, Mordakay edde takaruh bicsiiseh suge aracat takaren. Tohuk wadir malik bagcarrak xamceh.

1 Samuwel 17:50

Tonnal Dawud seef sinnuk, wanxef kee xaat Golyaadak yeyseh.

1 Samuwel 21:10

Dawud Malik-Saawuluk too saaku tonnal kudeeh, sarrak Gat-magaalal reede malikiy migaaqah Aakis deqsitahiyya fan gexe.

1 Samuwel 21:9

Acimalek kaak iyyeemih, «Silaacak Golyaaday duma atu Eelâ-golol qiddehiyyak raaqe seef yo'lih yan. Too silac rikeek tan saroy sek haysitahiyyak darrek sarat cibuh yanik, faxxek beetit. Kaak sah akkel silac mabbixak» kaak iyye. Dawud iyyeemih, «Wohoysa woo silac annah yoh bah; kaak yayse silac rikel mayanak» iyye.

1 Samuwel 31:9

Too waqdi Saawuluk moyya yirgiqeeniih, seef kee birtak bicsen duyyey xagarat mudum waasoh haanahiyya kaak seelebeenih. Yalla 'yeenih yaqbuden duyyeeyay sahda gabak bicissehiyya elle yaqbuden qaril yan mara kee, isinni ummatah a xaagu warisu waa mara ruuben. Too mari ta xaagu beya'gidih gexeeh, a xaagu ummatat qiden.