1 Samuwel 17:44 - NABUWWA KEE MALIKWA

⁴⁴ Sarrakaay Dawuduk, «Qeebi yo'lih abtuh am. Raysa kok guma kee alluwwâ-cado abeyyok» iyye.

1 Samuwel 17:44 ပူးပေါင်းရင်းမြစ်များ

2 Samuwel 21:10

Saawuluk raqte gubnay Rixfa deqsitta, rabe marih ginaada takayruh elle tani ikkel, xixxaq amol qabudda fidissa hayteh elle gacteeh, daro edde orbisan waktik xabba haanamaay rob edde yamaate wakti guffa haam fanah, elle sugte. Laqo-laqo woo raysa qambil kee guma takmeemik dacrisak teneeh, bar-bar alluwwa takmeemik dacrisak ten.

Ermiyaas 34:20

Keenik naqboytiitih yan maray ken qidam faxahiyyah gabal ken heeyyo. Ken raysi qambil kee alluwwâ-gadda akkele.

Ermiyaas 9:23

YALLI iyyemii: «Tu-taaxago isi ixxigat kaxxam akkale waytay. Celeema isi qandet kaxxam akkale waytay. Gaddaleela isi maalut kaxxam akkale waytay.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

1 Samuwel 14:12

Sarrak Yonaatan kee kaa'lih yan furraynuh seeceenih, «Siinih warisnam fanxam linok, annah nel ama» keenik iyyen. Too waqdi Yonaatan is lih yen furraynuk, «Yoo katay; YALLI keenik nee yiysiiseh yanik» iyye.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.