1 Samuwel 17:43 - NABUWWA KEE MALIKWA

⁴³ Too waqdi Dawuduk iyyemii, «Amah maca akak abta caxxay? Yoo kuta maay takkale?» kaak iyyeeh, yalla iyyeh yaqbude duyyeh migaq xagga heeh kaa abaare.

1 Samuwel 17:43 ပူးပေါင်းရင်းမြစ်များ

2 Samuwel 16:5

Malik Dawud Bacurim gufe waqdi, Simqi deqsita num kaah garaye. Simqi Saawuluh ramad luk yeneeh; kaak abba Gera deqsita numuk ten. Usuk Malik Dawud yuble waqdi kaa abaareh.

2 Samuwel 16:9

Abiisay deqsita num ah yuble waqdi, Dawuduk, «Yi amoytaw, a kuta is xaafi macah haytaa? Gexeh moyya kaak kalay yoo m'inta?» kaak iyye. Abiisay-ina Xaruya deqsitta barrak ten.

2 Samuwel 3:8

Abner toh yoobbe waqdi bagcarriteeh iyyeemih, «Kutay waqdiiy numut taba yoo maay takkale?» iyye. Kaadu qagseh iyyemii, «Ta saaku fanah ku abbak raaqe buxah mara kee kay ahli kee kay kataysis lih baguuk an. Dawud marak taham fanah gaci sin mahanniyo. Yooy tohut yanik atu a saaku, ‹Abner yi abbak raqte barrat fido faxe› 'yaanam yol haytaa?

2 Samuwel 9:8

Mafiboset qagteh qansah baaxo xagam fan qununna 'yeh, «Gadda gey, yi amoytaw» iyye. «A yooy rabe kuti bis le kassitteemih, gadda gey» iyye.

1 Malikwa 20:10

Sarrak Banihadad wadirih woo marat gersi farmo ruube. Iyyemii, «Ama elle tan ku magaala bayisu waa mara koh ruubeyyo. Riirak gabat beyaanam tu maraqta. Tah abe wayya heek, yallitte yoo bayissay» iyye.

2 Malikwa 8:13

Too waqdi Cadayel iyyemii, «Anu tu'num hinniyok, a gideh takke qande mankek baaheyyo?» iyye. Eliisaq too waqdi kaak iyyemii, «YALLI atu Suuriyah-malik akkettom yoo yuybulle» iyye.

Makaabon 9:27

Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.

1 Samuwel 14:12

Sarrak Yonaatan kee kaa'lih yan furraynuh seeceenih, «Siinih warisnam fanxam linok, annah nel ama» keenik iyyen. Too waqdi Yonaatan is lih yen furraynuk, «Yoo katay; YALLI keenik nee yiysiiseh yanik» iyye.

1 Samuwel 24:14

Meqehik, Israayil malikow, a qiddam faxxam kinni num maay table? Xakaake kaltam kinni num isik table? Rabe kutak ayse sinni kannaadi gideh yan numu.

1 Samuwel 24:15

YALLI koo kee yok qellat le num ableleeh, qellat edde yan numul nek meklele. Yot takkem ableleeh, tuk teena akak axcele; ku gabak yoo ayyaaqele» kaak iyye.