1 Samuwel 17:36 - NABUWWA KEE MALIKWA

³⁶ Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 17:36 ပူးပေါင်းရင်းမြစ်များ

2 Aydaad 32:17

Assuuriyah malik kaadu YALLAY Israayil doore Dagelta kinnihiyya elle xaafa warkat yuktube. Iyyemii, «Mango baaxoh yallitte isi mara yok macatinnaay, tonnah kaadu, Ciskiyyaahuh yalli isi mara yi gabak macata» 'yaanam yuktube.

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

Yasaqya 36:15

Usuk, ‹YALLI nee cateh Assuuriyah-qaskar magaala nek abbixe kalelek, YALLAL eemena› siinik iyyaamah maamanina» iyye.

Yasaqya 36:18

Ciskiyyaahu, YALLI nee ayyaaqele iyyah immay kay yab maamanina. Aki baaxo mari yalla axcuk yaqbudem, ken baaxo Assuuriyah-malikih-gabak maay catte?

Yacedkel 28:10

Diini maleelah yan allî baaxoh marih gabat, kuti rabah rabetto. Taham akkele intam yoo YALLAY Mulki lehiyya› 'yaanam kaak inxic» yok iyye.

Yacedkel 32:19

Keenik intaamah, ‹Isin sahdak qaxah tayseenim maay takkalen? Ahaysa akeera fan gexettoonuuh, tokkel diini-maleela lih gacetton.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:10

Taway hay, Israayil qaskarey, qeebi yo'lih abu waa num siinit yenek, yawqay» iyye.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:35

lakat eredda akak exceh woo anaqto raaqisa. Woo lubak yakku, hinnay kaadu, faxe ala takkeemih yoo fan yenkeleebe kaa tekkek, katlal xabba kaak heeh aatakuk kaa qidak suge.

1 Samuwel 17:37

YALLAY lubokwa kee gersi alluwwak yoo catehiyya a Filistiin numuk yoo catele» iyye. Saawuluuy, «Meqeh hay, YALLI ko'lih yanayak gex» kaak iyye.

1 Samuwel 18:17

Ayrok teena Saawul Dawuduk iyyeemih, «Inni baxá digibih koh abam faxa. Awkák migaq Meeraba. Tonna'mmay inni baxá koh abaamak dumalaa, agiruh yan qaskariitay digga le takkeemiiy, YALLIH migaaqal abna carbi abettoomul, koo kee yoo naharak titta geynam meqe» kaak iyye. Saawul woh akah iyyemii, tonnal Filistiin mari carbil kaa qideleeh isih kaa qidaamak ken gabat kaa qidsiisa'gidik ten.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.