1 Samuwel 16:1 - NABUWWA KEE MALIKWA

¹ YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 16:1 ပူးပေါင်းရင်းမြစ်များ

1 Malikwa 8:16

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisu waan magaala dooreh masuginniyo'mmay, yi ummatta xiinissa'gidih, Dawudow, koo dooreh› 'yaanam kaak iyyeh suge» iyye.

2 Malikwa 9:1

Too saaku nabi Eliisaq furraynah tan nabuwwak numuk teenah seeceh iyyemii, «Raamot rasul tan Gilqad deqsitta magaala gexxa'gidih bical gac. A xalay addat akak caxâ xaylok bicsen *zeyti (saliid) yanihiyya gabat bey.

2 Malikwa 9:3

Too waqdi a caxâ xaylok bicsen *zeytit amo kaak uskut. Sarrak, ‹YALLI kok iyyaamah: Israayil-malik takke'gidih koo askute› kaak inxicay, isih xayuk am; tokkel maadayina» iyye.

2 Malikwa 9:6

Tohuk lakal nammayak qari adda culeeniih; woo furraynuh yan nabi woo caxâ xaylok bicsan zeyti Yaahu amol caxeeh, kaak iyyeemih, «YALLAY Israayil doore Dageltah yanihiyya, ‹Israayil-maray yim kinnihiyyah malik takke'gidih koo askute› iyyah yan.

1 Aydaad 11:3

Israayilik saqoltih yan mari toh axcuk Cebroonul kaal yemeete saaku, Dawud kee Israayil ummatak saqoltih yen mari YALLIH foocal xagana tittah culen. Sarrak Dawud yuskuteeniih; usuk tohuk wadir Israayil malik yekke. YALLI dumaak Samuwelik elle iyyeh suge'nnal, Dawud too saaku malik yekke.

1 Aydaad 28:4

Tonna'mmay YALLAY Israayil doore Dagelta kinnihiyya yi abbah buxak Israayil dardaarah gaca'gidih yoo dooreeh; yi durruyyatih reeda baxak baxal tabe leemih, YALLI qahdi neh culeh yan. Dardaarinna Yuudâ-kedoh yeceeh, Yuuda addak kaadu yi buxah marah dardaarinna geyaanamih nasiib yecee. Yi buxah marak addak kaadu yoo doorru heeh, inkih tan Israayil ummatih amoyta yoo abe.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Ermiyaas 11:14

Tonna'mmay Ermiyaasow, ta marih qaadah, dooqah gaba yol maruubin. Ken qaadah yoo makallacin. Gadaamitoonu waan waqdi, yoo kallace loonu'mmay keenik maabba› yok iyye.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 6:30

Yoo YALLI a mara cineemih sabbatah, ‹Tu xiqe wayta lakqo› deqsitelon» iyye.

Ermiyaas 7:16

YALLI yok iyyeemih, «Ermiyaasow! Ta marah dooqa yol maabin! Keenih yol maweeqin! Ken tiyah yoo makallacin; kok maabbak.

Zakariyya 4:14

«Tamah, Yallay inkih yan baadak amoytah yanihiyya uskuttu heeh doore namma numuy kaa takdumu waytahiyya» iyye.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 15:11

«Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.

1 Samuwel 15:23

Kay amri cinaanam baab-abittol yaamineenimih gide dambik le. Kaxxa-mariinoh, YALLA cabba heenih xeet kee cooxuk bicsen duyyeeya yaqbudeenimih gide dambik le. Tonnal atu YALLA cinteeh, YALLI kaadu Israayil ummatih amoytiinu koh cineh» kaak iyye.

1 Samuwel 15:26

Samuwel kaal gacseemih, «Ko'lih maaduura. Atu YALLIH amri cinteeh; YALLI tahaysa Israayil marih amoytiinu kok kaleh» kaak iyye.

1 Samuwel 15:35

Samuwel too ayrok wadir Saawul abaluk maraaqinna. Takkay immay kaat tekkeemih tiyak kaxxam kaah qaade. YALLI kaadu Saawul Israayil-malik abeemit nadaamiteh.

1 Samuwel 16:15

Buxal kaah taamita mari tah yuble waqdi, kaak iyyemii, «Yalli kol ruube ginni koo biyaakah yanik,

1 Samuwel 16:23

Tohuk lakal Yalli Saawulil ginni ruubinnaan waqdi, Dawud taaxige begena gabat hayya heeh aagaruk kaah yen. Toh Saawul sahhaloysak teneeh; too waqdi ginni kaa cabak yeneeh, nagay akkuk yen.

1 Samuwel 17:12

Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen.

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.