1 Samuwel 15:7 - NABUWWA KEE MALIKWA

⁷ Saawul, Cawiila deqsita aracak Sur deqsita aracay Masrik ayrô-mawqat raaqahiyyah amma 'yaanam, qeebi keenit abeeh keenik yeyseh.

1 Samuwel 15:7 ပူးပေါင်းရင်းမြစ်များ

1 Aydaad 1:23

Oofiriiy Cawiila kee Yobaaba. Ta mari inkih akak radem Yoktaan deqsita numu.

1 Aydaad 4:43

Oson Qamaalekih yooboke maray too qaleela le baaxo fan kudehiyya inkih qideenih, a saaku fanah too baaxol elle yanin.

1 Samuwel 14:48

Qamaalek-marat kinni way maqar le qeebil keenik yeyseh. Israayil mara abbixe raarra hee marih gabak cateh.

1 Samuwel 27:8

Too dabaanal Dawud kee kay mara Gasur kee Gixxa kee Qamaalek maray dumaak woo baaxol elle sugehiyya buubak sugen. Ta mari Sur deqsita rasuk xabba haanamaay Masrih amma 'yaanam tan baaxol, dumî dabaanal guubuh elle sugen.

1 Samuwel 30:1

Namma ayrok lakal Dawud kee kay mara Xiklag magaala gufte. Qamaalek-mari gabbi-qaxat raqta Yuudâ-baaxo gaadeeniih Xiklag-magaala yibbixen. Woo magaala carriseeniih, agabu kee xaylo inkih yibbixen. Sugga 'teemik num maqidinnoonuy seewah gabat luk gexen.