1 Samuwel 15:11 - NABUWWA KEE MALIKWA

¹¹ «Saawul malikih heemih away nadaamitah an. Yoo cineeh yi yab cineh» kaak iyye. Toh Samuwelit kaxxam toomeh, too waqdi inkih yan bar YALLA kallacak xiine.

1 Samuwel 15:11 ပူးပေါင်းရင်းမြစ်များ

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

1 Malikwa 11:9

YALLAY Israayil doore Dagelta kinnihiyya namma adda Suleemanah yumbulleeh, «Aki mari Yalla iyyeh yaqbudem maqbudin» kaak iyyeh sugeh immay, Suleeman YALLIH amri moggolinnaay Yallak yexxeereh. Tonnah leemik YALLI Suleeman yinqibeeh,

1 Aydaad 10:13

Saawul wonnah yan raba akah rabem, YALLAL faxxiimak yen imaan agaagul kaak yekkeemih rabe. YALLIH amri cineeh, YALLAL imaan haam hinna'mmay, rabe marih roocaaniyyal fayu esseraanam taamah haysite.

1 Aydaad 21:15

Yarusalaam magaala bayisu waa malaykattu ruubeeh; sarrak fanaak, abeyyo iyyeh suge baatik qaadeeh, malaykattuk «Ahaysa idiy. Abtem duddahak» iyye. Woo malaykatti woo waqdi Ornan deqsita numuy kedok Yabuusa deqsita marah yoobokehiyyah aracay darok caffa elle kalaanahiyyah garil soolak suge.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 13:17

Takkay immay, yoh tu gactek, kaa aynabe wayteenik, anu uqurat weeqeyyooh, kaxxa weeqah weeqeyyo. Abah an weeqak yok caxitta ximo weeqi innah oobele. Too weeqa akah abu waam, YALLIH maray seewah marin baaxo beyoonu waanahiyya kinni» iyye.

Ermiyaas 34:16

Takkay immay sarrak wadir inteenimit qagitteeniih, ruffu yoo elle hayten ikkel, wadir yi migaq tuyqunxeenih. Takkeenimiik, currih sin cabnek gexxaasita akak inten mara, wadir naqoosannuh gacissen.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Ermiyaas 9:18

Ummat toh toobbe waqdi intemii: «Labhay isissikay! Neh weequ waa agabuh neh seeca. Neh boogisoonay inxica. Inti nek ximok tamaggeeh nanu kaadu dambar ximot nek aruqam fanah weqnaama» 'yaanam iyyen.

Yacedkel 18:24

«Meqe num abak suge maqaane cabbaay, uma mari abak suge umaane kee taamat cule kaa tekkek, tonnal waaru waam maay takkalen? Waar hinna'mmay, woo duma abe maqaane kaak baata. Luk suge imaan cabak, yok yexxeereeh dambit aseemih sabbatah, rabele.

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Yoonas 3:10

Yalli oson uma taamak raaqeenim keenik yubleh. Tohuk gexxaamah keenit abeyyo iyyeh suge digaalak raaqeeh, ken madigaalinna.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Xafanya 1:6

Yot darre cabaah, yi gita kataate waa mara bayseyyo. Too mari yot baaqid sinni maray catoh yol kibalsite waahiyya kinnon» iyye.

Yoosuwa 22:16

keenik iyyeenimih, «Nanu YALLIH mara kinnuk siinik innaamah; Israayil ummat doore Dageltal annah tanim akah bahteenim macaay? Sadgat elle aban arac isinni taagah xisseeniih YALLIH amri cinteenim hinna? YALLIH amri katattoonu cinteenih.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 13:13

Samuwel kaak iyyeemih, «Away abtem duquurâ-taama way! YALLAY ku Dageltah yanihiyya kok aba iyyem maabinnito. Kay amri oggoltaamal, rabba 'tam fanah malikih sugak teneeh; ku lakal kok rade mari Israayil malikwah gacak yen.

1 Samuwel 15:10

Too waqdi YALLI Samuwelik iyyeemih,

1 Samuwel 15:3

gexay qeebit ken ibbixaay, elli haanam keenik bayis. Labha kee agabuuy, urru kee salaadah yan qunxa urru inkih sella keenik hay. Laa kee illiiy, gaala kee danoonak tu macabinay keenik qid› kok iyya» kaak iyye.

1 Samuwel 15:35

Samuwel too ayrok wadir Saawul abaluk maraaqinna. Takkay immay kaat tekkeemih tiyak kaxxam kaah qaade. YALLI kaadu Saawul Israayil-malik abeemit nadaamiteh.

1 Samuwel 15:9

Takkay immay Saawul kee kay qaskar woo malik kee, laa kee illik taysem kee, xagar meqe daheela kee illi-xaylo sella mahannoonuy, Qamaalek marak dannabah orbisen. Boola leeh, tuxxiq sinnim akak yublen lac mabennoonuy sella ken hee.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 8:6

Takkay immay Samuwel oson, «Malikih num neh reedis» kaak iyyen waqdi, tohut ruffa maxcinna. Tonna-leemiik YALLA kallace.