1 Samuwel 14:6 - NABUWWA KEE MALIKWA

⁶ Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 14:6 ပူးပေါင်းရင်းမြစ်များ

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

2 Samuwel 16:12

YALLI yot tekke umaane yubleh, a umaaneh aftok maqaane yol oobisam takkeh» keenik iyye.

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

2 Aydaad 14:10

Aasa qeebi kaat aba'gidih, elle suge ikkek yemeete. Sarrakaa, Dafaata-Golo deqsita aracay Mareesâ magaalat xayuk raaqahiyyal fooca kee foocah gacca 'yeenih qeebih bicsiten.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

Ermiyaas 9:23

YALLI iyyemii: «Tu-taaxago isi ixxigat kaxxam akkale waytay. Celeema isi qandet kaxxam akkale waytay. Gaddaleela isi maalut kaxxam akkale waytay.

Ermiyaas 9:25

YALLI qagseh iyyemii, «Masri kee Yuuda kee Edom kee Qammon kee Mooyab kee, bacarih tan baaxol yan maray amô-xagor namma seltak isik yargiqehiyya edde digaalu waa wakti mamaatat yan. Ta mari yakkeemiik solot loonuuh immay, woo solot akah lon qahdi mayaaxigan. Ta mara kee Israayil marak yi qahdi num maxagurinna» 'yaanam iyye.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Xafanya 2:3

YALLI aba iyyem abaah, kaal kibaal haa maraw, YALLA aqbuda. Cakkik tanim abaay, YALLAH uqunxuya. Toh abteenik, YALLI bagcarrita saaku digaalak cattintaanam takkeh.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Yoosuwa 14:12

Tonna'mmay ta saaku kok faxaamahaa, woo saaku gibak elle nuduure ikkel, YALLI ‹Koh aceeyyo› axcuk qahdi yoh akah cule baaxoy qaleela mangohiyya yoh taceem kok faxa. Qanaakim akak iyyan maray kaxxa masu kee xexxar lehiyya buxah elle yanim, tokke kinnim, gibah genxe saakuuk atu isih toobbeh ten. Too mari elle yan magaalat maroh gasoosa tan. YALLI yoo elle cateleeh; anu qeebit baaxok ken ayyaaqeyyo'mmay, ken baaxo yoh ucuy» 'yaanam iyye.

Makaabon 15:18

Sarrak Samsoon kaxxam bakaariteeh; too waqdi YALLAL weeqeeh iyyemii, «A gid takke qande yoh teceeh iisa yoh tecee. Takkay immay bakaarah rabam faxaah, a diini-maleelah tan *Filistiin yoo tabbixem faxxa, YALLAW» iyye.

1 Samuwel 14:5

Tiyak teena akak taban gitak kilbat le kabuk teneeh, Mikmasak foocah raaqak ten. Aki boolooy gabbi qaxat Gabaq deqsitta magaalat foocah raaqak ten.

1 Samuwel 14:7

Too waqdi woo furrayni kaak iyyemii, «Anu, atu abtam faxxa haytam, ko'lih abeyyooh, kok mabaxsima» kaak iyye.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.

1 Samuwel 17:47

Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.