1 Samuwel 13:4 - NABUWWA KEE MALIKWA

⁴ Tonnal, Saawul Filistiin-marak dago qandet qeebi abeh keenik yeyseeh; tohuk gexxaamah woo mari ken niqbam, Israayil-mari yoobbeh. Tonna-leemik Gilgal deqsita aracal Saawulut yengelen.

1 Samuwel 13:4 ပူးပေါင်းရင်းမြစ်များ

2 Samuwel 10:6

Sarrak Qammon mari, Dawud naqabu xaamiteenim isinnik yeexegen. Tohuk gexxaamah, Suuriyah baaxok Beet-Racob kee Xooba deqsitta namma rakaakayak labaatanni alfi qaskariita lakqot bahsiisen. Tonnah kaadu, Toob rasuk taban kee namma alfi qaskariita kee, Maqka deqsitta baaxoh malik kee alfi qaskariita lakqot bahsiisen.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.

Yoosuwa 5:9

Sarrak YALLI Yoosuwak annah iyye. «A saaku Masril luk sugten qaybik sin kaleh» iyye. Too arac a saaku fan Gilgal deqsita. (Gilgal iyyaanam kalti iyyaanama.)

1 Samuwel 10:8

Tokkek Gilgal magaala fan yok naharat amaatetto. Too magaalal anu kot angooroweyyooh, cado akak carrisan sadgat Yallah abeyyooh, tonnah kaadu, amaanah xiinaanamih astah aban sadgat Yallah abeyyo. Anu amma exceh abtu waytam koh warsam fan, malcina ayroh tokkel sugetto» kaak iyye.

1 Samuwel 27:12

Takkay immay Aakis kaa yeemeneeh isi bagul, «Kay mari kaa niqbah yanik, addunyal yanim fan inni taamat kaa hayu waa» iyye.