1 Samuwel 13:2 - NABUWWA KEE MALIKWA

² Saawul Israayilik sidiica alfih num dooreeh; woo sidiica alfik namma alfih num Beetal deqsitta baaxoy mango qaleela lek Mikmas deqsita aracal is lih raaqise. Alfi num kaadu Benyam rasul ten Gibqa deqsitta magaala fan isi baxay migaaqah Yonaatan deqsitahiyya lih ruube. Raqqa 'ye mara buxah ruube.

1 Samuwel 13:2 ပူးပေါင်းရင်းမြစ်များ

2 Samuwel 20:1

Too waqdi umaanek abbah yan numuy migaaqah Bikrí-Sabaq deqsitaah kedok Benyaamah yoobokehiyya Gilgal magaalal suge. Too num baanta yoogoreeh anay fayya haak, «Israayil maraw, Dawud neh yakkem mali. Yiisâ-baxi Dawud ni num hinnak, kulli num isi buxah siinik yaduuray» iyye.

2 Samuwel 21:6

Taway nanu kaadu fanxam, Saawuluk rade marak labhâ-malciin gabal nek haytaama. Too mara, Gibqâ-magaalay duma YALLI malikih dooreh suge Saawul buxa elle luk sugehiyyak addal, YALLIH foocal takayrit ken qidnam fanxa» iyyen. Malik Dawud, «Too malcina num siinil aceeyyo, hay» keenik iyye.

2 Samuwel 23:29

Baqná-Celeb deqsita agiruy Netoofal yooboke kee, Riibáy-Ittay deqsita agiruy Benyam rasuk Gibqal yooboke kee,

Nacmiya 11:31

Benyaamah yooboke mari dabaaqah elle gacem, Gabaq kee Mikmas kee Qayya deqsitta magaala kee, Beetal-magaala kee tet dariifal tan gaandoodik ten.

Yoosuwa 18:28

Xelaq kee Eelef kee, Yaabus deqsitta magaalay sarra Yarusalaamal muggaaqiseenihiyya kee, Gibqa kee Kiryat-Yaqaarim akkuk ten. Too magaalooli tittat taban kee affara magaala akkuk ten. Tohuk kalah too magaaloolih dariifal tan gaandoodi kenim tekke. Benyaamah rade mari gee baaxo mangah too gide akkuk ten.

Yoosuwa 22:6

Sarrak oson isinni buxah gexoh ugten waqdi, dooqa keenih abba heeh, sarrak keenik iyyemii, «Buxa fan gexxan way mango laay lakqo kee dahabaay nacaas kee biriita kee mango sartan luk aduurettoonu'mmay, naqaboytiitik dannabah orbisseenim isinni kedo lih haysita» keenik iyye. Sarrak too mari isi buxa fan gexe. Muusa isih, addunyal yen saaku, Manasseh yooboke marak abxah Ordon weeqaytuk ayrô-mawqa le kabut raqta baaxo yeceeh yen. Raaqe garabah, aki kedooday woo baaxol tani luk, Ordon weeqaytuk ayrô-culma le kabut raqta baaxo Yoosuwa keenih yecee.

Makaabon 19:12

Usuk lih yan num iyyemii, «Aleey, marin marih magaala kee Israayilih aabuke wee marih buxaaxi maculla. Dagoom bisoh gexxa inna waqdi, Gibqa akkiiy Raama magaala gufe akkennooh; too namma magaalak magaalak teenal xiinenno» iyye.

1 Samuwel 10:26

Sarrak Saawul Gibqa deqsita magaalal tan isi buxa fan yuduure. Too waqdi cayla leelah yan maray Yalli Saawul cataanamih fayxi edde heehiyya kaa'lih gexe.

1 Samuwel 10:5

Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.

1 Samuwel 13:1

Saawul malik yekke saaku, barak soddom karmat yeneeh, Israayil ummattak morootom kee namma liggida malikih suge.

1 Samuwel 13:11

Sarrak Samuwel, «A abtem macaa?» kaak iyye. Saawul too waqdi kaak iyyemii, «Ummatta dibuk yoo cabteh gexxeeh; atu kaadu, ‹Amaateyyo› elle inte waqla mamattinnito. Toh lih kaadu, Filistiin mari Mikmas deqsita aracal gaaboowiyyat yaniih,

1 Samuwel 13:15

Tohuk lakal Samuwel Gilgal cabeh isi gexoh gexe. Raaqe mariiy Saawul isi qaskarat yangalem fan kaa katayak sugen. Gilgalak Benyam kedoh baaxol tan magaalay Gibqa deqsittahiyya fanah gexen. Saawul isi qaskar loowe waqdi, laca boolih num yekken.

1 Samuwel 13:16

Sarrak Saawul kee kay baxa Yonaatan kee ken mara Benyam baaxok Gabaq deqsita aracal yinfiddigen. Filistiin-mariiy elle yinfiddigem Mikmas deqsita aracak ten.

1 Samuwel 13:23

Filistiin-mari Mikmas deqsitta daaba qallalle ruuben.

1 Samuwel 13:5

Filistiin mari Israayil marat qeebi aba'gidih gaaboowe. Qeebi edde aban gaariirak soddom alfi takkem luk yenen. Laca alfi takke labhay faaris amok qeebi abta luk yenen. Kalah ten qaskar keenik mangah qadad luk manannaay mangah qiddeyti axxul luk yenen. Too macaxi Mikmas deqsita aracay Beet-Awen deqsitta'kkek ayrô-mawqa le kabut raqtal yinfiddigen.

1 Samuwel 14:31

Too saaku Israayil-mari Filistiin-marak yeyseeh. Mikmas deqsita aracak xabba haanamaay Ayyaalon deqsita aracah amma 'yaanam qeebi keenit abak yemeeten. Too waqdi satqiteenih kaxxam boolaaten.

1 Samuwel 14:5

Tiyak teena akak taban gitak kilbat le kabuk teneeh, Mikmasak foocah raaqak ten. Aki boolooy gabbi qaxat Gabaq deqsitta magaalat foocah raaqak ten.

1 Samuwel 14:52

Saawul suggu 'yem fan Filistiin mara luk kaxxa qeebi abe. Qeebil agiru akkiiy celem akki akkinnaan num yable waqdi, isi qaskarat asgalluk yen.

1 Samuwel 15:34

Sarrak Samuwel Raama fan gexe. Malik-Saawul Gibqal tan isi buxa fan yuduure.

1 Samuwel 24:3

Illi-gasoosat xayi gablay giti qaxal tanihiyya fan yemeeteeh, daaco aba'gidih too gablah adda cule. Dawud kee Dawud mara too gablak iqiyal culteh ten.

1 Samuwel 26:2

Toh yoobbe waqdi qaskarak addak doorru hee sidiica alfih num gabat luk, Diif-rasuy sinam elle dagohiyyal Dawud gorrisa'gidih gexe.

1 Samuwel 8:11

Ken malik ken elle xiinisu waa inna keenih warseeh; iyyemii, «Xaylo siinik isi qaskarah heele. Garab keenik usuk qeebi edde aba gaariirah taamat gaceleeh, garab kaadu faras amok qeebi abta qaskar akkele. Aki garab kaadu usuk qeebih gexa way amot akak yan gaariirah foocat ardelon.