1 Samuwel 12:8 - NABUWWA KEE MALIKWA

⁸ Yaqkuub kee kay buxah mara Masri gexxe saaku, Masri mari keenit xukkutak sugeeh, too waqdi sin kaxxa abbobti catoh YALLAL weqte. YALLI Muusa kee Haarun keenih ruube. Oson Masrik eyyeqqa ken heeniih, a saaku isin elle tanin baaxol ken nookisen.

1 Samuwel 12:8 ပူးပေါင်းရင်းမြစ်များ

Yoosuwa 1:6

Anu sin kaxxa abbobtik, ‹Siinih aceeyyo› axcuk xagana keenih akah culeh suge baaxo tabbaxoonu waytan saaku ken abba akketto'mmay, a taamal digga xicaay agaagul akak cab» kaak iyye.

Yoosuwa 21:43

YALLI, Israayil ummat akak radde ken kaxxa abbobtik, «Siinih aceeyyo» iyyeh kaxxa xagana akah cule baaxo, oson rabeenik sarra keenik rade marah yecee. Israayil ummat too baaxo tibbixe saaku teetil nooken.

1 Samuwel 10:18

Too mari gaaboowe waqdi keenik iyyemii, «YALLAY Israayil doore Dagelta kinnihiyya siinik iyyamaa, ‹Masrik sin eyyeeqeeh, Masri mara kee raqqa 'ye maray siinit xukkutak sugehiyyak sin wade› siinik iyyah yan» keenik iyye.

1 Samuwel 12:6

Samuwel qagseh keenik iyyemii, «YALLAY Muusa kee Haaruun sin kaxxa abbobti Masrik yayyaaqeeni'gidih doorehiyya sumaq yekke.