1 Samuwel 12:22 - NABUWWA KEE MALIKWA

²² YALLI isih, isi mara sin abuh sin dooreh, tohuk gexxaamah isi nabnah taagah sin macina.

1 Samuwel 12:22 ပူးပေါင်းရင်းမြစ်များ

1 Malikwa 6:13

Away Israayil ummatay yi mara kinnihiyyah addal gaceyyo. Israayil mara booxal qidda heeh macaba» kaak iyye.

1 Malikwa 8:57

«YALLAY ni Dageltah yani, ni kaxxa abbobti'lih akah suge innah, ne'lih yanay. Nee cabe waay ne'lih yanay.

2 Malikwa 14:27

Tonna kinnuk, inkitanuuk bayisaah, sarrak akah andarre waan innah, saabo ken cabsiisam mafaxinna. Tonna-leemiik Yahoqás-Yarobqam gabat ken cate.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

Nacmiya 9:17

Koo yaabbeenim cineeniih, atu abte ablewaynuh tan taama hawweeneenih. Kaxxiinak gexxaamah, wadir Masri naqoosinnah ken gacisu waa abba dooren. Atu tohuh, yi Dageltaw, racmatta kee maqaane le Dageltay qafu abahiyya kinnito. Naqabut asissike waah, sahdah kaxxa kacanu yaybulle Dagelta kinnito. Tohih sabbatah booxal qidda heeh darre keenit macabinnito.

Yasaqya 37:35

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

Yasaqya 41:17

«Tu maleela kee masaakiina yaaquben leeh goranat gacta'mmay mageyan. Katla keenik bakaarah kaffa 'te'mmay yoh seecan waqdi, too bakaarak yooy YALLAH yani ken wadele. Yooy Israayil doore Dagelta kinnihiyya gibdaabina kee gadaamal ken macaba.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 43:7

Yi migaaqal yaaxigen maray anu uklukeeh yoo yaynabeeni'gidih akah ginehiyya inkih gacseyyo» iyye.

Yasaqya 48:11

Abem akah abem, inni migaaqih taaga. Macaay inteenik, yi migaq bayam abalih tibba 'ya Dagelta hinniyo. Yi nabna yiimi'kkal gersiimit tabta nabna hinna»

Yasaqya 49:15

YALLI iyyamaa: «Ina isi anguk yaaxe baxa maay hawwenta? Is isi baguk xalte baxa maay akcine wayta? Ina isi baxa hawwentam takkeh, immay anu sin mahawweena.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Ermiyaas 14:21

Isi nabnah sabbatah, darre net macabin. Yarusalaam magaalay ku dardaarinnih korsiy nabna lehiyya addal akak tani qaybik maqidin. Ne'lih abte qahdi duudus.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 14:9

Sahda catam elle tigibdiye num nel tekke. Carbi addal boola le qaskariitay sahda catu duude waa nel tekke. YALLAW, ne'lih tanim naaxigeh, nanu ku mara kinninok, darre net macabin» iyyen.

Yacedkel 20:14

Takkay immay woo ken beyah yoo yuble marih foocal, Yalli ken bayseh 'yaanam innit cabam mafaxinniyo. Tonna-leemiik, inni migaaqih taagah inni naqabu keenil oobisaamak wadir eedeh.

Yacedkel 20:9

Takkay immay addal akak sugen marih foocal, ‹Masrik amaanah sin ayyaaqeyyo› 'yaanamal xagana keenih culeh suge. Tonna-leemiik, inni migaaqih taagah inni naqabu keenil oobisaamak wadir eedeh.

Malaaki 1:2

YALLI iyyeemih, «Yi maraw, anu kulli way sin kiciyyoh» keenik iyye. Oson kaal gacseenimih, «Nee tikcinem mannal kok naaxige?» iyyen. YALLI too waqdi keenik iyyeemih, «Qiiso kee Yaqkuub toobokok ten. Takkay immay Yaqkuub kee kaak rade mara ikcineeh,

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.