1 Samuwel 12:20 - NABUWWA KEE MALIKWA

²⁰ Samuwel keenik iyyemii, «Umaanek mangoomut asseeni'mmay, tohuh mameysitinaay, YALLAK maxxeerinaay, inkih tan afqadook kay taamah taamita.

1 Samuwel 12:20 ပူးပေါင်းရင်းမြစ်များ

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Caggay 2:5

Masrik tewqen saaku sin lih an 'yaanam siinik exceh sugeeh; tokkeey akke sin lih anik mameysitina. Toh siinik intam yooy YALLAY Nabaamak Nabahiyya› keenik inxic» iyye.

Yoosuwa 23:6

Tonna'mmay Yallih xinto elle tan Muusal obte kitaabal unkuttubba intem digga luk abtaanam siinil tan. Too kitab inxicca 'tam inkih duudussaanam siinil tan.

1 Samuwel 12:19

Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.