1 Samuwel 12:19 - NABUWWA KEE MALIKWA

¹⁹ Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.

1 Samuwel 12:19 ပူးပေါင်းရင်းမြစ်များ

Yasaqya 26:16

«Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 27:18

A mari nummah nabuwwa yekkeeh siinih warsaanam yi farmo tekkek, tonnal Yarusalaamal YALLIH Qibaadah Qarih adda kee malik buxah addal tan duyyey raqtehiyya Baabelon mari dannabah bee waa'gidih yoo kallacoonay› siinik iyye» keenik exce.

Ermiyaas 37:3

Malik yekke Xidkiya YALLIH yaabay Ermiyaas kaah warsehiyya cineh immay sarra farmo kaah ruube. Farmo elle ruubem, Selemyâ-Yahukal kee sek Xafanya deqsita seekiy abba akak Maqseyaahu deqsitak yenehiyyak ten. Farmoh keenik iyyemii, «Gexay nabi Ermiyaasak, ‹YALLAY ni Dageltah yani neh kallacaay dooqa neh ab› kaak inxica» iyye.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Malaaki 1:9

Hay, taway seekay, tannah yan sadgat kaah ucuyak, «Yallaw, neh emeq» 'yaanamih dooqa abtan way, Yalli siinih mayamqa! YALLAY Nabaamak Nabahiyya isih, «Siinih mamqa» siinik iyya.

1 Samuwel 12:13

«Taway isin doorten malik amah kaa. Isin faxxeeniih YALLI kaa siinih yecee.

1 Samuwel 12:17

Away edde nanim rob edde yamaate wakti hinna'mmay, taway anu YALLA esserak, ‹YALLAW, kakkaqo kee rob rub› axceyyooh; YALLI too waqdi kakkaqo kee rob ruubele. Tah takku wayta waqdi YALLAK, ‹Malik neh reedis› inteeniih, tohul YALLAL dambi lem bahteenim isinnik aaxigetton» iyye.

1 Samuwel 12:20

Samuwel keenik iyyemii, «Umaanek mangoomut asseeni'mmay, tohuh mameysitinaay, YALLAK maxxeerinaay, inkih tan afqadook kay taamah taamita.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 7:5

Tohuk lakal Samuwel, «Mixfa deqsita aracal YALLA siinih kallaca'gidih, wokkel gaaboowa» iyye.

1 Samuwel 7:8

Too waqdi Samuwelik, «YALLAY ni Dageltah yani, Filistiin-marak nee cata'gidih neh xaqtam macabin» kaak iyyen.

1 Samuwel 8:6

Takkay immay Samuwel oson, «Malikih num neh reedis» kaak iyyen waqdi, tohut ruffa maxcinna. Tonna-leemiik YALLA kallace.