1 Samuwel 11:7 - NABUWWA KEE MALIKWA

⁷ Sarrak namma awur bahha heeh exxa-exxah kuramkurra hee. Tohuk lakal farmoh ruube marak, «A exxaaxi inkih tan Israayil baaxoh mara fan beyaay; ‹Samuwel kee Saawul lih gaaduh gexe wayu waa numih awurwat tama'nnah tanim akkele'mmay, maraaqina› keenik inxica» iyye. Tohuk lakal YALLI Israayil marat cunxo ruubeeh; too meysih num keenik maraaqinnay, yakkeenimiik inkih yemeeten.

1 Samuwel 11:7 ပူးပေါင်းရင်းမြစ်များ

2 Aydaad 14:14

Tohuk lakal Giraar dariifal ten magaalooli keenik bayseeniih; wokkel suge mari YALLIH abitto yoobbeenih yeneenih, tonna-leemiik cunxoh axaxitak gaba gacsitoonu yeffereenih. Qaskar magaalal sugga 'te duyye keenik buubeeniih mangom dannabah keenik orbisen.

2 Aydaad 17:10

Yacoosafat dariifal enna 'ta rasuk cuggaaneh enna 'ta malikwa carbi kaat abtaamak, YALLI kay cunxo keenit ruube.

2 Aydaad 19:7

Cokmi abtan waqdi, YALLIH meysi taalleenimi; abtan cokmi cubbusak abtaanama. Macaay inteenik, YALLAY ni Dageltah yani cokmil sinam yadlumeenim kee, isinnih akah faxen marah iyyaanam kee, guqul beyaanam maqansiisa» 'yaanam keenik iyye.

Yasaqya 8:13

Yoo YALLAY Nabaamak Nabahiyya *kudduusuk yan Dagelta kinniyom mahawweenin. Akak meysiteh meqem dibuk yoo. Akak cunxitaanam yoo.

Makaabon 19:29

Buxa guffu heeh qari culla 'ye waqdi, gile luk yewqeeh, isi barray rabtehiyya too gilet taban kee namma maasayyal irgiggiqqa heeh, kulli exxa Israayil kedoy taban kee nammay takkehiyya fanah ruube.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.