1 Samuwel 11:1 - NABUWWA KEE MALIKWA

¹ Alsak wadiril Qammon-malikiy Nacas deqsitahiyya Gilqad-rasuk Yaabes-deqsitta-magaala yabbixe'gidih gexeeh maro teetit hee. Yaabes-magaala elle tenem, Gilqad deqsitta baaxok ten. Yaabes-mari Nacasak iyyemii, «Amoytiinuh koo oggoleh immay ninni kee ku fanal bica abnaama» kaak iyyen.

1 Samuwel 11:1 ပူးပေါင်းရင်းမြစ်များ

2 Samuwel 10:1

Waqla suggu 'yeenik lakal, Qammon rasih malikih yen Nacas rabeeh; kay baxay migaaqah Cannun akak iyyaanahiyya kay aracal malik yekke.

2 Samuwel 10:2

Dawud too malikih raba yoobbe waqdi, «Usuk meqem yoh abeemih, anu away kaadu kay baxah amqeyyo» iyye. Sarrak kaah le bagi maqaane kaah warisu waa mara Nacas baxah farmo ruube. Too mari Qammon deqsitta baaxo gufe waqdi,

2 Samuwel 17:27

Dawud Macanaayim gufe waqdi, Qammon rasul tan Rabba deqsitta magaalal yooboke Soobi deqsita numut yongoorowe. Soobi Nacas deqsita numih baxak ten. Kalah kaadu, Makir deqsita numuy Qammiyel deqsita num xalehiyyay Lodabar deqsitta magaalal yooboke kee, Bardillay deqsita numuy Gilqad deqsitta rasuk Rogalim magaalal yoobokehiyyat yongoorowe.

2 Samuwel 2:5

Dawud tokke farmoh sinam ruube. Iyyeemih, «Isinni malik toogoqeeniih, digga le mara tekken. Tohuh YALLI barkat siinit haay.

1 Malikwa 20:34

Too waqdi Banihadad malik-Acabak annah iyye, «Yi abba ku abbak bee magaalooli inkih koh gacseyyo. Yi abba Samaariyal akah abe innah, atu kaadu Damaskoh magaalal tellemmo elle abta arac heetto» kaak iyye. Acab too waqdi iyyemii, «Tah abtek currih koo ruubeyyo» kaak iyyeeh bica kaa'lih abba heeh kaa ruube.

1 Aydaad 10:11

Yaabes deqsitta magaalay Gilqad rasih addal geytintahiyyal yan mari, Filistiin mari Saawul lafak abeenim yoobben waqdi,

1 Aydaad 10:12

agiirah keenik yan mari doorimma 'yeeh Saawul kee kay xayloh lafa elle tani ikke gexeenih, Yaabes-magaala fanah baahen. Too marih lafa, too magaalal ten kaxxa caxah gubal yoogoqen. Sarrak ken rabih rookah malcina ayro soomuh sugen.

Yasaqya 36:16

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay edde tanin ikkek eweqay gaba yol ucuya. Toh abteenik, kulli num siinik is qinabih xaylo akmele. Sin *subla siinih xalta xaylo akmetton; isinni qelwak lee aaqubetton.

Ermiyaas 40:11

Sarrak Yuudah-ummatay Mooyab kee Qammon kee Edom kee, wohuk kalah tan baaxol sugga 'tehiyya inkih, Baabelon-malik Yuudâ-rasul ummatak tu takkem cabeeh; too marak abbah Acikám-Gedalya keenik heeh cabe 'yaanam yoobben waqdi,

Ermiyaas 40:14

Kaak iyyeenimih, «Qammon rasih malikih yan Baqlis, Natanyáh-Ismaaqil ku qidimih ruubem toobbeh innaa?» kaak iyyen. Takkay immay Gedalya toh keenik cineeh, «Aleeyyah, Ismaaqil yi qidimih yemeete kaa hinna» keenik iyye.

Yacedkel 17:13

Malikih ramad le num bahha heeh, kaa make waamah kaa xiibissa heeh xagana kaa'lih heeh, malik aracat kaa cabe. Mango makaaban gabat bee.

Makaabon 10:7

Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee.

Makaabon 11:4

Waqlaak wadiril Qammon-mari, Israayil-marat qeebi aba'gidih gexe.

Makaabon 21:8

Sarrakaa, «Gaabownah arac amaate wayteeh, daffeynat angale waytem maa maraay?» axcuk titta esseren. Gilqad rasuk Yaabes magaalal yen mari amaate weenimil titta geen.

1 Samuwel 12:12

Takkay immay Qammon rasul malikih yen numuy migaaqah Nacas deqsitahiyya sin yabbixu waam tublen waqdi, YALLIH malikannu cinteenih, ‹Nee xiinisa malik neh reedis› yok inten.

1 Samuwel 14:47

Saawul Israayil malik tikka 'yeemih kulli ikkel naqboytiitih isik enna 'ya marat qeebi abak suge. Mooyab-maraay Qammon-maraay Edom-maraay, tonnah kaadu, Xooba kee Filistiin-malikwat inkih qeebi abak suge. Qeebi lih abinnaan marak iisa orbisak yen.