1 Samuwel 10:5 - NABUWWA KEE MALIKWA

⁵ Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.

1 Samuwel 10:5 ပူးပေါင်းရင်းမြစ်များ

1 Malikwa 18:29

Carri barih sadgat edde aban waktih fanah waxxaq axcukuuy goroorocitak sugen. Takkay immay tu keenil gacissam magennoonuuy; hebeltoh anay mantabbinna.

2 Malikwa 2:15

Yerikô-magaalal ten kontom takke nabuwwa tekkem tuble waqdi, «Eliyyas luk yen qande Eliisaqah raqteh tan» iyyen. Too waqdi kaat yangooroweeni'gidih, kaal yemeeteeniih, foocal kaak gommoh raden.

2 Malikwa 2:3

Butta takke nabuwway wokkel dabqih tanihiyya Eliisaq fan amma inteeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay wohut yaabe waynay» keenik iyye.

2 Malikwa 2:5

Sarrak butta takke nabuwway dabqih Yerikol tanihiyya Eliisaq fan amma 'teeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay, wohut yaabe waynay» keenik iyye.

2 Malikwa 2:7

Too waqdi kontom takke nabuwwa Ordon weeqaytu fan ken lakat gexxe. Sarrak Eliyyas kee Eliisaq weeqaytih qaxal solte. Too waqdi woo kontom takke nabuwwa keenik xayi ikkeek solla 'te.

2 Malikwa 3:15

sarrak «Gexay saareh yaaguren duyye digira num yoh baaha» iyye. Woo num yemeeteh, saareh yaaguren tiya yoogore waqdi, YALLIH *Roocaaniyya Eliisaqal obte.

2 Malikwa 4:38

Eliisaq Gilgal-magaala fan yuduure saaku, too baaxol qulul radeh yen. Ayrok teena Eliisaq butta takke nabuwwa barisak suge waqdi, isi taamah numuk iyyemii, «Kaxxa disti giral xikay maaqo neh bicis» iyye.

2 Malikwa 6:1

Ayrok teena butta takke nabuwway Eliisaq saqalah akak yanihiyya Eliisaqak intemii, «Elle nan arac kaxxam nek qunxa.

1 Aydaad 11:16

Too saaku Dawud amô-reebu le aracay uqurah meqehiyyal sugeeh; Filistiin mari kaadu Beetlacam magaala yibbixeh yen.

1 Aydaad 13:8

Takkay immay Dawud kee raqqa 'ye mari a sandug elle beyaanamal, Yallih-massakaxxah quuruk loonumuuk argaduk yemeeten. Afak Yallih saare edde haakaay wallitakaay *begena kee kiraraay giyaagib kee karambooy *baanta aagaruk yemeeten.

1 Aydaad 16:42

A namma num, ahak kalah kaadu, Yallih saare aban waqdi baanta kee giyaagib kee wohuk kalah tan duyyeeyay Yallih saareh yaagureenihiyyah abbootan luk yen. Yedutunuk lab-xaylo Qibaadâ-Qarih-afoofi dacrisak ten.

1 Aydaad 16:5

Tohuk abbah Asaf heeh kay gubal Zakariyya hee. Yaqiiyal kee Samiraamot kee Yaciyel kee Mattitya kee Aliyab kee Banaaya kee Yoobad-Edom kee Yaqiiyal *begena kee kirar yaagureenimih taama keenih yecee. Asaf kaadu giyaagib yaagureenim taamah luk yen.

1 Samuwel 10:10

Saawul kee kay taamat yan num Gibqat gufte waqdi, butta takke nabuwwa kaat garayte. Too waqdi Yallih-Roocaaniyya isi milkih kaa hayte. Sarrak usuk, oson aban diini rigdot ken lih yengeleeh, keenik kaxxih nabuwwah innah yaabe.

1 Samuwel 10:4

Too waqdi salaamatta koh abeloonuuh, sarrak namma gaqamboyta koh aceeloonuuh; beetetto.

1 Samuwel 13:2

Saawul Israayilik sidiica alfih num dooreeh; woo sidiica alfik namma alfih num Beetal deqsitta baaxoy mango qaleela lek Mikmas deqsita aracal is lih raaqise. Alfi num kaadu Benyam rasul ten Gibqa deqsitta magaala fan isi baxay migaaqah Yonaatan deqsitahiyya lih ruube. Raqqa 'ye mara buxah ruube.

1 Samuwel 13:3

Yonaatan Gabaq deqsitta magaalal yan Filistiin qaskarak dago marat qeebi abeh keenik yeyse. Filistiin mari toh yoobbeh. Tohuk lakal Saawul iyyeemih, «Inkih tan Qibraan ummattah *baanta uguraay tekkem keenih warisa» axcuk, farmoytitte ruube.

1 Samuwel 19:20

Too waqdi kaa yaxayu waa mara kaah ruube. Woo mari, Samuwel foocat akak yan nabuwway butta takkeey nabuwwah innah yabtah xongoltahiyya yublen. Yallak keenil obte *Roocaaniyya too mara kaadu timlikeeh, too waqdi Saawul ruube mari woo marat yengeleeh, kaadu nabuwwah innah yaabakaay xongolak yenen.

1 Samuwel 9:12

Woo baxuwuuy, «Yeey yanih, away siinik foocat gexe. Sissikuk gexxeenik, kaa gee liton. Magaala akah culten innaak kaa geetton. A saaku ummatta Yallih migaaqal sadgat elle aban aracal sadgat abeloonuuh; tohih sabbatah usuk magaala yemeete. Woo arac akah seecen mari, usuk amma 'yeh dooqa abe'kal, woo sadgatih maaqo mayakman. Taway gexxeenik, maaqo makumuh woo sadgat elle aban qale awqe'kal siinih sugele» keenik iyyen.