1 Samuwel 1:8 - NABUWWA KEE MALIKWA

⁸ Tet baqli too waqdi, «Cannay, macah weqtaah? Maaqo macah cinta? Kulli way, akah weqweqsintam macaay? Lab-xayloh tabanak yoo lito way, maca wayta?» teetik axcuk yen.

1 Samuwel 1:8 ပူးပေါင်းရင်းမြစ်များ

2 Malikwa 8:12

Cadayel too waqdi, «Yi abbaw, macah weqta?» kaak iyye. Eliisaq kaak iyyemii, «Israayil maral bahtu wayta umaane aaxigeemih sabbatah weeqah an» iyye. Qagteh kaadu kaak iyyemii, «Gaso maroh edde tan magaaloolit keenik gira ruubetto. Furrayna keenik seefit qidetto; qunxa urri-xaylo tafqetto; soolimak xaylo baguk ayyaaqetto» kaak iyye.

Yasaqya 54:1

Maxalaytoh tan barray, qililisay wallit. Ahak wadir baqala le barra xalta xaylok fuli, dibuk ten barra xaylo luk sugeleemih sabbatah, atu way dabbaqaane wayte barray, anay fayya haay qililis!

Yasaqya 54:6

Qunxih digibte barray baqli cabeeh bagi akak ankayeh bis luk sugte'mmay, YALLI koh seeceh isil koo gacse. Ku Dagelti kok iyyaamah:

Ruut 4:15

Ruut koo kicnaah, malcina lab-baxi xiqaamak fula koh xiqte. Away absuma koh bahteeh; a absumi idoolinnal ruffu koo heeleeh, qande kot heele» teetik iyyen.

1 Samuwel 1:7

Kulli-way tannah tanim teetil baahak mango sanoota sugte. YALLA elle yaqbuden arac gexinnaan waqdi, Faninna, is anqibinnaanim teetik abak teneeh; too waqdi Canna weeqah hayya haytah maaqo edde cinak ten.