1 Malikwa 9:9 - NABUWWA KEE MALIKWA

⁹ Too waqdi tokkel suge mari, ‹Ama marat ah akah tekkem, YALLAY ken kaxxa abbobti Masrik yeyyeeqehiyya cabba heenih gabak bicsen duyyeeya qibaadat gaceenih. Tohih sabbatah YALLI tama-umaane keenil oobise› 'yaanam axcelon» kaak iyye.

1 Malikwa 9:9 ပူးပေါင်းရင်းမြစ်များ

1 Malikwa 18:18

Eliyyas too waqdi kaal gacsemii, «Umaane keenil oobissem, yoo hinnay; umaane keenil oobissem, koo kee ku abba. Isin YALLIH amri cineeh Yalla akke sinni Baqal yuqbude mara kinniton.

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 29:8

Tonna-leemiik YALLI, Yuuda kee Yarusalaam magaalah marat bagcarriteeh; usuk keenil baahem kulli numut axaxo kee cunxo qidde. Isin ahim digga haytan.

2 Aydaad 7:22

Too waqdi tokkel suge mari, ‹Ama marat ah akah tekkem, YALLAY ken kaxxa abbobti elle aamanuk sugteeh Masrik ken yeyyeeqehiyya cabba heenih gabak bicsen duyyeeyah qibaadat gaceenih. Tohih sabbatah YALLI tama-umaane keenil oobise› 'yaanam axcelon» kaak iyye.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 22:8

Mango baaxoh maray a magaalah garik gitah gaceh gexu waahiyya tet baati yable waqdi, ‹Labhay, a magaala kaxxa magaalak tenek, annah tan umaane YALLI macah teetil oobise?› axcelon.

Ermiyaas 44:23

Away qusbih siinil obte bala siinil akah obtem, taqbuden duyyeh sadgat abteeniih, YALLAL dambi bahten. Usuk iyyem moggolinnitoonuuy, kay xinto kee kay amri cinteenih. Tohuh, siinil obte bala kinnim kaadu ixiga» 'yaanam keenik iyye.

Ermiyaas 5:19

‹A axxul le umaane nel akah baaham faxam macaay?› kok iyyoonu waan waqdi, Ermiyaasow, atu keenik intu waytaamah, ‹YALLI, isin yoo cinna hayteenih mari aqbuduk suge duyye isinni baaxoh addal taqbudeeniih, tonna'mmay isin kaadu sin baaxo akke sinni marin baaxol marin naqoosa akketton, yok iyye› keenik axcetto» iyyah yan.

Ermiyaas 50:7

Ken gennaan mari maysattaka keenit abe. Ken qidda heenih wadir, ‹Ken qidneh immay ken qidaanam dambi nel matakka. Toh akah kinnim, ken Dageltay amo keenik wagitak sugehiyyal dambi lem baaheeniih, ken abbobti imaan elle luk sugte Dageltal imaan hoonu cineenih. Tohuk gexxaamah keenit tekkeemi› 'yaanam iyyan.