1 Malikwa 9:8 - NABUWWA KEE MALIKWA

⁸ Away tablen Qibaadah-Qari kaxxa qari'mmay abur akkeleeh; wokkek gitah gaca mari a abur yabalu waa waqdi wariggiteloonuuh, qagabsitelon. ‹YALLI a baaxo kee a Qibaadah-Qaril annah tanim akah baahem macak tan kaa?› axcuk waagiselon.

1 Malikwa 9:8 ပူးပေါင်းရင်းမြစ်များ

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

2 Aydaad 29:8

Tonna-leemiik YALLI, Yuuda kee Yarusalaam magaalah marat bagcarriteeh; usuk keenil baahem kulli numut axaxo kee cunxo qidde. Isin ahim digga haytan.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

2 Aydaad 7:21

«Away tablen Qibaadah-Qari a xaqan le nabna leh yan qari'mmay, abur akkeleeh; wokkek gitah gaca mari a abur yabalu waa waqdi, qagabsiteloonuh, ‹YALLI a baaxo kee a Qibaadah-Qaril annah tanim akah baahem macak tan kaa?› axcuk waagiselon.

Yasaqya 64:11

Ni Qibaadah-Qariy taahirik yeneeh qax-muquk yeney ni kaxxa abbobti koo elle aqbuduk tenehiyyat gira ruuben. Kicinuk sugga inne arooca inkih abuuruh raqte.

Ermiyaas 16:10

« ‹Taham atu keenih warissu wayta waqdi, «YALLI annah tan kaxxa digaalah nee akah digaalam faxam macaay? Maca kaal bahnee? Sugay noysommeeh, ninni Dageltay YALLA kinnil bahnem macaay?» 'yaanam kok axcelon.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 19:8

Yarusalaam magaala kaxxa baatih bayseyyo. Tet yabalu waa mari teetik akah sakkitta 'ya biyaakah tet biyaakeyyo. Gari akak gaceh gexa mari, «A magaalat tekkem gibdiimih taniimi» akak inxicca 'yan baati teetit abeyyo.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Ermiyaas 49:17

Sarrak YALLI kaadu iyyemii, «Edom bayele. Teetit tekke baati yabalu waa mari wariggiteleeh, ‹A mari bayeh yan› axcelon.

Ermiyaas 5:19

‹A axxul le umaane nel akah baaham faxam macaay?› kok iyyoonu waan waqdi, Ermiyaasow, atu keenik intu waytaamah, ‹YALLI, isin yoo cinna hayteenih mari aqbuduk suge duyye isinni baaxoh addal taqbudeeniih, tonna'mmay isin kaadu sin baaxo akke sinni marin baaxol marin naqoosa akketton, yok iyye› keenik axcetto» iyyah yan.

Ermiyaas 50:13

Yi naqbi teetil oobeleeh; tohuk gexxaamah num dabaaqah teetil magaca. Abuuruh raaqele. Xaqu teetik gaceh gexu waa mari teetit tekkem yabalu waa waqdi, wariggiteleeh, ‹Woyyow! A rasut tekkem umaamak tanih tan!› axcelon.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Daaniyel 9:12

Nee kee ni abbobtik abeyyo intem abteh. Yarusalaam magaala a addunyah bagul enna 'ta magaaloolik inkih digaalah lafteh.