1 Malikwa 9:15 - NABUWWA KEE MALIKWA

¹⁵ Malik Suleeman YALLIH Qibaadah-Qari kee isi qariiy, kalah kaadu, magaalat maroh heen gaso kee, tonnah kaadu, magaalak ayrô-mawqa le kabut raqta baaxoy ramma luk sugtehiyya edde missoysem, dirkih tamsiisa marih gabak ten. Tohuk kalah, Caxor kee Magiddo kee Geser deqsitta magaalooli kaadu keenit bicsiise.

1 Malikwa 9:15 ပူးပေါင်းရင်းမြစ်များ

2 Samuwel 5:9

Megdebwa teetik yibbixeenik wadir, Dawud dabqah teetil gaceeh, «Dawud-Magaala» 'yaanam migaaqah teetih yeyyeeqen. Naharak ayrô-mawqa le kabut raqta baaxoy ramma luk sugte missoysak baahak, tet dariifal magaala xisen.

1 Malikwa 11:27

Suleeman kee too numih fanih umaane naharak elle uguttem annak ten. Suleeman Yarusalaam magaalak ayrô-mawqa le kabut raqta exxa fayyak ramma cabsiisa'gidih, bullaaqek kibakaay magaalat maroh tan gasok tiddigille exxaaxi elle bicsiisak suge'kkel,

1 Malikwa 12:4

«Ku abba Suleeman duma uma xinto kee kaxxa gibdaabinat nee abbaxuk suge. Usuk nee edde abbaxuk suge gibdaabina nel sahhilossu waytek, ku xintot xiinenno» kaak iyyen.

1 Malikwa 3:1

Suleeman Masri-malikik-baxá rihimih abiteeh, qalla kaa'lih haysite. Yarusalaamal isi qari kee YALLIH Qibaadah-Qari xissa heeh, Yarusalaam magaalat gaso maroh haam fanah, Dawud-Caafat deqsita caafatal tet hee.

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

1 Malikwa 5:13

Malik Suleeman inkih yan Israayil rasuk soddom alfih numuy baaxoh taamitaanam dirkik elle tenehiyyak migaq yuktubeh warkatal hee.

1 Malikwa 6:38

Suleeman malik yekkeemih taban kee inikhaytô-sanatak bacarhaytoh alsak Buul deqsitahiyyat, woo-qarih-xisnek gaba kaleenih. Hununuh kaa lowwa heen xisoh kaa xisen. A-qarih-xisne Suleemanat malcina sanatih gide faxxe.

1 Malikwa 9:10

Suleeman YALLIH Qibaadah-Qari kee kay qari xisne labaatanni sanat kaak beyte.

1 Malikwa 9:24

Suleeman, Masri-malikih-baxáy ginnaaqot abbaxuk yenehiyya Yarusalaamal geytimta Dawud-Magaala yaaxigen caafatay duma elle sugtehiyyak tet kaleeh; teetih xise qaril tet hee. Sarrak magaalak ayrô-mawqa le kabut raqta baaxoy ramma luk sugtehiyya missoyse.

2 Malikwa 12:20

Doolat-saqoltik namma num Malik-Yooqasak abtu waytaamal malisse. A namma num Simqat-baxa-Yodakar kee Soomer-baxa-Yahodbadak ten. Kaa elle qideenim, Silla fan ooba gitak Beet-Millo deqsita caafatak ten. Yooqas, Dawud-Magaalah addal malik kee malik buxah mara edde yoogoqen kabrit yoogoqen. Kay baxi-Amaxya kay lakal malik yekke.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 9:27

Yuudâ-malikih yen Acadya tekkem yuble waqdi, Beet-Cagan magaala fan isi gaarit kude. Yaahu lakak kaa yeyredde. Too waqdi isi marak iyyemii, «Kaa kaadu macabinay qida» iyye. Sarrak Acadya, Yiblaqam garit yan Guur-magaala fan yawqe gita gaarih amot kudak suge waqdi, Yaahû-mari kaa mudeh. Takkay immay gaarih amot gacca 'yeh Magiddô-magaala aleelite. Tokke gufe waqdi rabe.

1 Aydaad 20:4

Sarrî-dabaanal Filistiin kee ken fanal qeebi qagte. Qeebi elle qagtem, Geser deqsitta magaalak ten. Too qeebil Sibkay deqsita numuy Cuusâ-magaalal yoobokehiyya, migaaqah Siffay akak iyyan numuy kaxxa masu luk yenehiyya qide. Tonnal Israayil-mari qeebil Filistiin-marak yeyse.

1 Aydaad 6:67

Megloh elle gexan magaalooli keenih yeceen. Tohumuu, Seekem-magaalay Efrayimik qaleela le baaxol geytimtahiyya kee tet dariifal tan lacti malaalah baaxo keenih yeceen. Geser kee

2 Aydaad 35:22

Takkay immay Yoosiyaahu qeebi kaat abaamal malseeh; tonna-leemiik Yallih yaabay Nako kaah warsahiyya cinna heeh qeebi gexoh ugte. Sarrak Magiddo deqsitta booxa fanah, kaa yaaxigeenimik aki num cella heeh, carbih gexe.

2 Aydaad 8:1

Suleeman YALLIH Qibaadah-Qari kee kay qari xisne labaatanni sanat kaak beyte.

Zakariyya 12:11

Too ayro Yarusalaam mari, Hadad-Rimmon deqsittaamah Magiddo deqsitta booxal rookah ummat akah gacte innah, gacelon.

Yoosuwa 10:33

Geser malikiy migaaqah Hooram deqsitak yenehiyya Laakis magaalah marih catoh yemeete. Takkay immay kaa kee kay qaskarak kaadu qeebih yeyseenih, num keenik nuwwuk macabinnoonuy inkih ken qiden.

Yoosuwa 11:1

Israayil mari qeebil gee iisa, malik Yaabin deqsita malikiy Caxor deqsitta magaalal yenehiyya yoobbe. Too waqdi malik Yobab deqsita malikiy Madon deqsitta magaalal yenehiyya kee, Simron kee Aksaf deqsitta magaaloolih malikwa kee,

Yoosuwa 16:10

Efrayimih yooboke mari Kanqaan deqsita maray Geser deqsitta magaalal sugehiyya wokkek mayyaaqinnoonuy, yanoonay ken iyyen. Takkay immay isinni naqoosah ken haysitteeniih; ta saaku fanah too naqoosah yanin.

Yoosuwa 16:3

Tokkeek gabbi-qaxal yan cuduud keenik Yafleeti deqsita mari elle yan baaxok ayrô-culma le kabut raqta baaxok Guba-raqta-Beet-Coron deqsitta magaala fan gacca 'yaah Geser deqsitta magaala gufa. Wokkek bisoh tabba 'yaah Maditraaniyah Badat yaadee.

Yoosuwa 17:11

Issakar kee Aaser geen baaxol, Manasseh yeceen magaalooli ah teeti. Beet-San kee Yiblaqam kee, Door deqsitta magaalay baddi afal tanihiyya kee, Qendor kee Taqnak kee Magiddo kee ken dariifal enna 'ta gaandoodi inkih kenim tekke.

Yoosuwa 19:36

Adaama kee Raama kee Caxor kee

Yoosuwa 21:21

Affara magaala keenih yeceen. Tohumuu, qaleela le baaxol tan Seekem magaalay megloh aleelitaanahiyya kee tet dariifal tan lacti malaalah baaxooy; Geser kee Kibxayim kee Beet-Coron deqsitta magaalooli kee lacti malaalah baaxoy woo magaaloolih dariifal tanihiyya inkih keenih yeceen.

Makaabon 1:29

Efrayim mari kaadu Kanqaan maray Geser deqsitta magaalal sugehiyya mayyaaqinnoonuy, elle yanoonay ken iyyeeniih; too mari too magaalal elle ken lih raaqe.

Makaabon 4:2

Tohuk gexxaamah YALLI, Yaabin deqsita malikiy Kanqaanah yoobokehiyyay Caxor magaala xiinisak yenehiyyak carbil ken gacsiiseeh kay gabat ken yiysibixe. A malikih qaskarih abba, Sisra deqsita numuy Carooset-Goyim deqsitta magaalal guubuh yenehiyyak ten.

Makaabon 5:19

Taqnak deqsita aracal Magiddo deqsita illaltih garil malikwa temeeteh qeebi abte. Kanqaan baaxoh malikwa qeebi abte. Takkay immay oson lakqo mabennon.

Makaabon 9:20

Toh akke waytek, Seekem kee Beet-Millol yan maraw, Abimalik tewqe giray habug inta sin cararissay. Siinik tewqe gira kaadu kaa cararissay» iyye.

Makaabon 9:6

Sarrî-saaku Seekem kee Beet-Millo deqsitta magaalah mari titta geyya heeh, Seekemil qamiddi garil tan garsah gubal Abimalik reediseeniih, malik kaa aben.