1 Malikwa 9:11 - NABUWWA KEE MALIKWA

¹¹ Suur rasuk malikih yen Curam deqsita malik a taama edde aba'gidih, Suleemanah saagan coox kee sariidâ coox kee dahabak faxxa haah gide kaah yecee. A taama gaba kalte saaku, Suleeman wohih galtoh Galiil rasul tan labaatanni magaala kaah yecee.

1 Malikwa 9:11 ပူးပေါင်းရင်းမြစ်များ

1 Malikwa 9:10

Suleeman YALLIH Qibaadah-Qari kee kay qari xisne labaatanni sanat kaak beyte.

1 Malikwa 9:12

Curam woo magaalooliy Suleeman kaah yeceehiyya wagta'gidih gexeeh yuble waqdi massakootinna.

1 Malikwa 9:14

Curam, Suleemanah affara alfih kiilok muxxi yakke dahabak ruubeh suge.

2 Aydaad 2:16

Lubnaan qaleelal yan sariida kee gersi cooxuk atu faxxa haytah gide irgiqqi heenih koh ruuba, axceyyo. Too coox tittat uxuyya heenih damâ-gurral badal akah tamaate innah abelon. Yaffâ-magaala fan badal koh amaatele. Tokkel matarra akah inteenih, tokkeek Yarusalaam fan ku mari beele» 'yaanam raddih kaah ruube.

2 Aydaad 8:2

Kalah kaadu, Curam deqsita malik kaah yecee magaalooli nammeyhaak xiseeh, xisnek gaba kalla hee waqdi, Israayil mari elle gacaana'gidih tokke ken ruube.

Qaamus 1:9

Kaadu qagissa heeh iyyemii, «Aham YALLI iyyaama. ‹Suur magaalal yan mari fiiruk geerah dambi le taama abeenih; tohuk gexxaamah ken digaaleyyom digga le. Israayil mara luk sugen qalla hawweeneenih; magaala kee magaala deraafil tan gaandoodil sugga iyye mara inkih, Edom marih naqoosah xaamiten.

Yoosuwa 20:7

Toh yoobbe waqdi, Israayil mari lica magaala dooren. A leceeyik sidoc Ordon weeqaytuk ayrô-culma le kabut raaqak yeneeh; aki sidoc ayrô-mawqa le kabut raaqak yen. Ayrô-culma le kabut dooreenim, Naftaali deqsitta kedoh qaleela le baaxok Galiil rasul ten magaalay Kedes deqsittahiyya kee, Efrayim kedoh qaleela mango aracal ten Seekem deqsitta magaala kee, Yuudâ-rasuk qaleela mango baaxol tan Kiryat-Arbaq deqsitta magaalay a saaku Cebron deqsitta. Ayrô-mawqa le kabut dooreenim, Ruuben kedo le baaxol tan Bexer deqsitta magaalay bacarih tan baaxol gudel tanihiyya kee, Gaad deqsitta kedo le baaxol tan Raamot magaalay Gilqad rasul tanihiyya kee, Manasse deqsitta kedo le baaxol tan Goolan deqsitta magaalay Basan rasul geytintahiyya.