1 Malikwa 9:1 - NABUWWA KEE MALIKWA

¹ Suleeman, YALLAH bicsam faxak suge Qibaadah-Qari kee, isi qari kee, kalah kaadu, bicsam faxak suggu 'yeemik gaba kalek sarra,

1 Malikwa 9:1 ပူးပေါင်းရင်းမြစ်များ

1 Malikwa 3:1

Suleeman Masri-malikik-baxá rihimih abiteeh, qalla kaa'lih haysite. Yarusalaamal isi qari kee YALLIH Qibaadah-Qari xissa heeh, Yarusalaam magaalat gaso maroh haam fanah, Dawud-Caafat deqsita caafatal tet hee.

1 Malikwa 6:37

YALLA elle yaqbuden Qarih rakiibo, Suleeman malik edde yekke fereyhayto sanatak nammeyhaytoh alsak Diw deqsitahiyyat aben.

1 Malikwa 7:1

Suleeman isih kaadu qari xissiteeh; too-qarih-xisne taban kee sidooca sanat kaat faxxe.

1 Malikwa 7:2

A qariy xisehiyyak exxak teenah migaaqah ‹Lubnaan Garboh Kaxxa Goli› 'yaanam yeyyeeqe. Too goli xexxaarah bool cusul akkuk yen; baguh kontom cusul akkuk yen; fayyah soddom cusul akkuk yen. Addal sariidak bicsen qamidway affara rooruh yanihiyya heenih yenen. Too qamidwak amol, morootom kee koona cooxuy sariidak bicseeniy amô-tabsah haanahiyya yen. Kulli roorut taban kee koona caxa akak ten. Qarik kaadu amo akak bicseenim sariidak ten.

1 Malikwa 7:51

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

1 Malikwa 8:66

Bacarhaytoh ayro Suleeman yemeete mara le baaxo fanah rubsuuse. Too ummattay YALLI isih doorehiyya, YALLI Dawuduy kay naqasuh yenehiyya kee Israayil ummattat hee barkat yublen waqdi, kaa faylisak ruffu axcuk yuduuren.

1 Malikwa 9:10

Suleeman YALLIH Qibaadah-Qari kee kay qari xisne labaatanni sanat kaak beyte.

1 Malikwa 9:11

Suur rasuk malikih yen Curam deqsita malik a taama edde aba'gidih, Suleemanah saagan coox kee sariidâ coox kee dahabak faxxa haah gide kaah yecee. A taama gaba kalte saaku, Suleeman wohih galtoh Galiil rasul tan labaatanni magaala kaah yecee.

1 Malikwa 9:19

Lee-kee-qayso akak inxicca 'yaanam kee, faaris kee faarisit beyan gaariira daanah elle hayu waa magaalooli ta marat bicse. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol usuk faxxa haa xisne ken gabat xise.

2 Aydaad 7:1

Suleeman dooqak gaba kalla hee waqdi, qaraanak temeete gira sadgatah yusguudeenih sugen saqih cado carrisse. YALLIH nabna yaybulle noori, inkih yan Qibaadah-Qarik adda ifissa hee.

2 Aydaad 7:11

Suleeman YALLIH Qibaadah-Qari kee isi qari kee, tama-qarwah-xisney niyat luk sugehiyya dudda luk gabal kaak bicca intek wadir,

2 Aydaad 8:1

Suleeman YALLIH Qibaadah-Qari kee kay qari xisne labaatanni sanat kaak beyte.

2 Aydaad 8:6

Baqalat deqsitta magaala kee, leek-maaqoh enna 'tam elle abbaxuk yen magaalooli kee, isi gaariira kee faaris elle abbaxuk yen magaalooli kaadu nammeyhaak xise. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol, usuk faxxa haa xisne xise.