1 Malikwa 8:63 - NABUWWA KEE MALIKWA

⁶³ Amaanah xiinaanamih astah aban sadgatah, Suleeman laak labaatanna kee namma alfi yusguudeh. Illi kee wadarak bool kee labaatanni alfi yusguude. Israayil ummatta kee malik toh akah abeenim, a sadgat, YALLIH Qibaadah-Qarih orba sadgat yakke'gidik ten.

1 Malikwa 8:63 ပူးပေါင်းရင်းမြစ်များ

1 Aydaad 29:21

Nammeyhaytoh ayro YALLIH sadgatah saqa yusguuden. Awurwak alfi yusguudeeniih; marwak alfi yusguudeeniih; anaaqek kaadu alfi yusguuden. Too saqih cado inkih sadgat elle aban mansafih bagul cararisen. Qinabak bicsen kamrih sadgat kaadu baahen. Tohuk kalah kaadu, YALLIH sadgatah mango saqa yusguudeeniih; too saqih cado ummatah inkih keefen.

2 Aydaad 15:11

Too ayro dannabah orbisen laa kee illi kee wadar YALLIH sadgatah qiden. Laak malcina boolih saga kee, illi kee wadarak kaadu malcina alfi yusguuden.

2 Aydaad 2:4

Anu YALLAY yi Dagelta kinnihiyyah massakaxxah qari xisam faxa. Xisu waa qari taahirik yan qariy kaa elle yaqbudeeni akkele. Suruy meqe qerto YALLAH elle ruubennooh; kulli ayro kaadu taahirroysen-gaqambo too qaril heenno. Kulli ayro maaca kee carra kaadu kay sadgatah cado akak carrisan saq too qaril asguudenno. Tonnah kaadu sabti ayro kee alsi biloh qiid kee, wohuk kalah tan ayrooray YALLIH qiidih edde asaanahiyya YALLIH migaaqal cado akak cararisan sadgat too qaril abenno. YALLI Israayil ummatak, ‹Taham waarta madqa› 'yaanam iyyeh yan.

2 Aydaad 30:24

Malik Ciskiyyaahu woo mari yakme'gidih, alfi awur kee illiiy wadarak kaadu tittat malcina alfih gide keenih baahe. Tonnah kaadu, malik gubal taamita doolat mari, alfi awur kee illiiy wadarak kaadu tittat tabna alfi takkem keenih baahen. Seekah mangom taahirrowte.

2 Aydaad 7:4

Tohuk lakal Malik Suleeman kee wokkel suggu 'ye mari inkih YALLAH sadgat aben.

2 Aydaad 7:5

Suleeman sadgatah laak labaatanna kee namma alfi yusguudeh. Illik bool kee labaatanni alfi yusguude. Israayil ummatta kee malik toh akah abeenim, a sadgat, Yallih Qibaadah-Qarih orba sadgat yakke'gidik ten.

Qedra 6:15

Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

Nacmiya 12:27

Yarusalaamat maroh ten gasoy tiddigilleh sugtehiyyah xisnek gaba kalen saaku, Leewih yooboke marah seeco aben. Keenih akah seeceenim, ruffa axcuk edde asaana'gidiiy, Yallah candu edde gacsaana'gid kee Yalla edde saarisaana'gidik ten. Too saarel, kirar kee begenaay giyaagib aagaruk Yalla saarisak, candu Yallah gacsen.

Yacedkel 36:38

Yarusalaam magaalal duma qiddi ayro sadgatah qidan illi mangah akkuk yeneh gide, abuuruh raqteh sugte magaaloolil elle yan mari mangah woo gide akkele. Too saaku YALLA kinniyom yok aaxigelon» iyye.

Yacedkel 45:17

Usuk too waqdi cado akak carrisan saq kee sadgatah baahan daro kee qinabak bicsen kamri, alsi biloh yakke qiid kee Sabti ayroy qiidih edde asaanahiyya kee, wohuk kalah tan ayrooray ummat qiidih edde assahiyya baaham kaal tan. Dambi kalootuk aban sadgat kee, sadgatah yeceen darooy, cado akak carrisan saq kee, amaanah xintaana'gidih astah abtan sadgat inkih, abba baahaama. Ta sadgat Israayil-ummatah dambi kalootuk orbele» iyye.

Miika 6:7

Sadgatah illik mango alfi baaheey, qadad sinni zeytiy (saliidiy) caxâ-xaylok bicseeni kaah bahnaamah, YALLI ruffa edde maay iyya? Hinnay kaadu abne dambih kaqalsoh, naharsi-baxa, cado inkitanuuk akak cararisan sadgatah naceemih, YALLI ruffa edde maay iyya?» intan sin tekkek,