1 Malikwa 8:6 - NABUWWA KEE MALIKWA

⁶ Tohuk gaba kalen waqdi, seeka YALLIH Qahdih-Sandug ukkuqqa hayteh, Yallih Qibaadâ-Qarik addal, Kulliimik-Taahiriinoh-Yayse-Goliy iqiyat raaqahiyyah addal daffeyseenih, woo galwa leemih ceeloh gubal heen.

1 Malikwa 8:6 ပူးပေါင်းရင်းမြစ်များ

2 Samuwel 6:17

Sarrak Sandug baaheeniih, Dawud dumaak Sandug elle hoonuh sooliseh suge siraqih addat heen. Tohuk wadir Dawud YALLIH sadgatah cado akak carrisan saq qideeh, kaadu amaanah xiinaanamih asta takke'gidih YALLAH sadgat abe.

2 Samuwel 6:2

foocat gacca 'yeh, Yallih Qahdi addat akak yan Sandug, Baqla deqsita aracay Yuudâ rasul yanihiyyak baaha'gidih, gexe. Woo Sandug migaq akak lem, Nabaamak Naba YALLAY dardaarinni-korsi akak galwa leemik daga le kabu raqtahiyya.

1 Malikwa 6:16

Kulliimik-Taahiriinoh-Yayse-Goli deqsita goli elle yenem, Qibaadâ-Qarik iqiyak ten. Too golik gambi sariidak bicse. Qibaadâ-Qarik darre le kabuuk woo aracak goli gambi fan, xexxaarah labaatanni cusul akkuk yen.

1 Malikwa 6:19

Qibaadâ-Qarik iqiyal yen Kulliimik-Taahiriinoh-Yayse-Goli, YALLIH Qahdih-Sandug elle haana'gidih, bicsen.

1 Malikwa 6:27

Sarrak too nammaamay galwa lehiyya Kulliimik-Taahiriinoh-Yayse-Golik woo exxa kee a exxal heen. Tiyak teenak gali, golik-gidaar xagak yen; akittuk gali kaadu, golik gersi gidaar xagak yen. Sarrak ken nammayak gali wadir titta xagak yen.

1 Malikwa 8:3

Sarrak Israayil ummattak saqoltih yen mari elle yani ikkel, seeka Qahdih-Sandug ukkuqqa hayteh Yallih Qibaadah-Qari fan beyte. Leewih yooboke mara kee seeka, Yallih Nabnah-Siraq kee tet addal sugte duyye inkih Yallih Qibaadah-Qari fan been.

1 Malikwa 8:7

Tonnal galwa-leemih galway fakimit tanihiyya YALLIH Qahdih-Sandug kee tet elle yakkuqen cooxuh reebu tekke.

1 Aydaad 22:19

Tohuk gexxaamah, taway YALLAY sin Dagelta kinnihiyyal isinni afqado kee niyaak taduureenimi. YALLIH Qahdih-Sandug kee Yallih qibaadah nabbixe duyyey taahirik tanihiyya addal akak haytaana'gidih, Dageltah yan YALLIH nabnah Qibaadâ-Qari xisa» 'yaanam keenik iyye.

2 Aydaad 5:7

Tohuk gaba kalen waqdi seeka, YALLIH Qahdih-Sandug ukkuqqa hayteh, Qibaadâ-Qarik addal Kulliimik-Taahiriinoh-Yayse-Goliy iqiyat raaqahiyyah addal daffeyseeniih, woo galwa leemih ceeloh gubal heen.

Yasaqya 37:16

«YALLAW, Israayil dooreh, Nabaamak Naba Dageltaw, ku dardaarinnih korsi galwa leemik daga raqta. Addunya xiinissam kooy; kook sah Yalli mayan. Qaran kee baaxo gintem koo.

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Yacedkel 41:4

Iqiyat yan goli yakkeh gide affara kaalib yimittire waqdi, tabna mitri yekke. Ta goli woo fanti golik aki-qaxat raaqak yen. Sarrak yok iyyeemih, «Aham Kulliimik-Taahiriinoh-Yayse-Goli» iyye.

1 Samuwel 4:4

Sarrak Nabaamak Naba YALLAY korsi akak galwa-leemik daga le kabu raqtehiyyak Qahdih-Sandug baahu waa mara Siilo fan ruuben. Qeli xayloh nammeyay migaaqah Cofni kee Fincas deqsittahiyya woo sandug baahe mara lih yemeeten.