1 Malikwa 8:50 - NABUWWA KEE MALIKWA

⁵⁰ Kol bahha heen umaane kee dambik qafu keenih ab. Seewah ken bee marih gaba keenil xabbacos.

1 Malikwa 8:50 ပူးပေါင်းရင်းမြစ်များ

1 Malikwa 8:49

tonnal, YALLAW, too dooqa keenik oggol. Qaraanay ku dabqah yanihiyyaak dooqa keenik oobbeyaay, keenih racmataay, ku mari abba hee dambi keenih cab.

2 Aydaad 30:9

YALLAL tuduureenik, sin mara seewah bee mari keenih xuwaaweleeh, isinni buxah yaduuroonay ken axcelon. YALLI maqaane kee racmatta le Yallaay; kaal tuduureenik, sin oggolele» 'yaanamih farmo keenit waden.

2 Aydaad 33:13

YALLI, Manasse abe dooqa oggoleeh, Yarusalaamal akah suge malikih gaca'gidih, Yarusalaam fan kaa gacse. Tohuk gexxaamah Manasse, YALLI dibuk Yalla kinnim yeexegeh.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Nacmiya 1:11

Yooy ku naqasuh yani kee ku naqoosay ku migaq taynabehiyya abta dooqa nek macinin. A saaku faxam yoh aba'gidih, malik bagu yoh xabbacos» 'yaanam exce. Too saaku taamah luk enem, malikih qinab elle yaaqube kobbaaya xayyoosa marak abbah en.