1 Malikwa 8:43 - NABUWWA KEE MALIKWA

⁴³ too dooqa kaak raabitaay koo akah kallacem kaah ab. Isih dabqah elle tan qaraanak kay yab oobbey. Tonnal, Israayil ummattak kaxxih, addunyal enna 'ta ummatta koo aaxigeleeh ku amri duudusele. Toh lih kaadu, a qariy anu xisehiyya koo elle yaqbuden qari kinnim aaxigelon.

1 Malikwa 8:43 ပူးပေါင်းရင်းမြစ်များ

1 Malikwa 18:36

Sadgat edde aban uddur gufe waqdi, nabi Eliyyas Yallih-sadgat-elle-abaana'gidih-bicsen-aracih-garih amma 'yeeh iyyemii, «YALLAW, Abraahim kee Iscaakaay Yaqkuub doore Dageltaw, atu Israayilil Yalla kinnitooh, anu kaadu ku naqasu kinniyom ta saaku ken iysixxig. A saaku anu abah anim atu yok aba intem kinnim ken iysixxig.

1 Malikwa 8:60

Tonnal, addunyâ-bagul yan mari inkih, Yalli dibuk kaa kinniih; kaak sa gersi Yalli ane waam aaxigelon.

2 Malikwa 19:19

Tonna'mmay ta saaku, YALLAW, ni Dageltaw, ta numih gabat rade nee kal. Ta numih gabak nee teyyeeqek, YALLAW, kok sa Yalli ane waam, baadal tan doolatwa inkih aaxigele» 'yaanam dooqah iyye.

1 Aydaad 16:8

Saareh iyyeenimii, YALLAH candu gacisay kaak cato esserak kaa fan deerisa. Kay nabna sinaamah warisa; usuk abem sahdah warisa.

2 Aydaad 6:33

koo akah kallaceenim keenih ab. Qaraanay elle tantohiyyak ken dooqa raabitaay, kot faxak akah yemeeteenim keenih duudus. Tonnal, Israayil ummattak kaxxih, addunyal enna 'ta ummatta koo aaxigeleeh, ku amri duudusele. Toh lih kaadu a qariy anu xisehiyya koo elle yaqbuden qari kinnim aaxigelon.

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Ermiyaas 25:29

Ama magaalay yi migaq addal akak yanihiyyat baati ruubam qimbisek, hay, isin gersi maraw, digaalak cattiimettoonum maay akkaluk sugten? Digaala raq siinik matallaay; carbit sin selu waa mara siinit ruubeyyo. Addunyâ bagul yan marak inkih toh abu waama. Tah intam yoo Nabaamak Naba YALLA› 'yaanam keenik inxic» yok iyye.

Yoosuwa 4:23

YALLAY ni Dagelta kinnihiyya neh Qasa-bad akah kafise innah, siinih kaadu tabtaanam fan Ordon weeqaytu elle kafise inna keenih warisa.

Yoosuwa 4:24

Tahak gexxaamah baaxô-bagul enna 'ya mari YALLIH qandek leh gide aaxigeloonuuh; isin kaadu YALLAY sin Dagelta kinnihiyyak daayiman meysitak xiinetton» keenik iyye.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.