1 Malikwa 8:36 - NABUWWA KEE MALIKWA

³⁶ too dooqa elle tan qaraanaak keenik raabit. Israayil ummattay ku naqoosah tanihiyya abte dambik qafu keenih ab. Edde gexan meqe-gita ken baris. A baaxo, ku baaxoy ku marah ikoytah teceehiyya kinnuk, rob tet mawaysiisin.

1 Malikwa 8:36 ပူးပေါင်းရင်းမြစ်များ

1 Malikwa 18:1

Qabar radeemih sidiica sanat tikka 'yek lakal, ayrok teena YALLI Eliyyasak annah iyye. «Gexay Malik Acabah umbulluy; anu rob ruubeyyok» iyye.

1 Malikwa 18:41

Tohuk gaba kale waqdi, Eliyyas Malik Acabak iyyemii, «Ahaysa gexay maaqo xag; roobuk angad aabbeh anik» iyye.

1 Malikwa 18:45

Dago waktih addat data qamburre qaran bulteeh, kaxxa caacay yemeeteeh. too waqdi kaxxa rob rade. Acab isi gaarih amot gacca 'yeh Yidraqel fan yuduure.

Yasaqya 30:21

Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Ermiyaas 42:3

YALLAY ni Dageltah yani raaqe marak abnam kee genxa arac nee yaybullee'gidih, Yalla neh kallac» kaak iyyen.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Ayyuqel 2:23

Siyon maraw, YALLAY sin Dagelta kinnihiyya siinih abem ubulay, ruffa 'xica. Duma elle ruubak suge'nnal, dabayba kee karmaay sugumul, dudda le rob siinih ruubeh yan.

Miika 4:2

Baadal tan ummat too saaku intu waytaamah: «Qibaadâ-Qari elle yan YALLIH Qale fan nee beya» tittak axcelon. «Israayil ummat doore Dageltih Qari elle yan arac nawaqu wayna. YALLI tokkel isih faxem nee barsele. Usuk faxe gitat gexenno» 'yaanam axcelon. YALLIH baritto elle tanim, Yarusalaam magaalaay; Siyon qalek isi ummat lih yaaba.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.