1 Malikwa 8:35 - NABUWWA KEE MALIKWA

³⁵ «Ku ummatta kol bahte dambik gexxaamah, qaran alfimeeh rob waytimam ubulla heenih; too saaku toobitta 'yeenih koh rammitak, a Qibaadah-Qari fan ufkunna 'yeenih dooqa aben ken tekkek,

1 Malikwa 8:35 ပူးပေါင်းရင်းမြစ်များ

2 Samuwel 24:10

Dawud ta marih loowok gaba kale waqdi, umam abem kay xagar kaah warse. Too waqdi, «YALLAW, kaxxa dambi lem baaheh aniih, duqur abe waamat aseh anik, qafu yoh ab» iyye.

2 Samuwel 24:13

Dawud xiinik ugte waqdi, Gaad kaal yemeeteeh, YALLI kaah ruube farmo kaah warse. Kaak iyyeemih, «YALLI, ‹Sidooca sanatih qulul kee, sidooca alsa naqboytit koo ayraradduk sugtam kee, sidooca ayro tabu le dalka siinit ruubaamak, kol aysinnaanim doorit› kok iyye. Taway intu waytam cubbus; axcinnaanim YALLA fan gacsam faxak» kaak iyye.

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

1 Malikwa 8:33

«Atu isi mara abte Israayil ummatta kol baahen dambik gexxaamah, naqboytit keenik tiysiise koo tekkek, oson toh ubulla heenih kol yuduureeniih, ta Qibaadah-Qarih fan amma 'yeenih koh rammitta axcuk, ‹Yallaw, abneh nan dambik qafu neh ab› axcuk, dooqa abeenik,

1 Malikwa 8:34

elle tan qaraanaak too dooqa keenik raabit. Ku ummatta abteh sugte dambik qafu keenih abaay; dumaak ken kaxxa abbobtih teceeh sugte ken baaxo fan ken gacis.

2 Aydaad 6:24

«Atu isi mara abte Israayil ummatta kol baahen dambik gexxaamah naqboytit keenik tiysiise koo tekkek, oson toh ubulla heenih kol yuduureeniih, ta Qibaadah-Qarih fan amma 'yeenih koh rammitta axcuk, ‹Yallaw, bahneh nan dambik qafu neh ab› axcuk dooqa abeenik,

2 Aydaad 6:26

«Ku ummatta kol bahte dambik gexxaamah, qaran alfimeeh rob waytimam ubulla heenih, too saaku toobitta 'yeenih koh rammitak a qibaadah qari fan ufkunna 'yeenih dooqa aben ken tekkek,

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Yacedkel 14:13

«Bani-adantow, ayyuntak teeni yol yaaminem cabba heeh dambi le taamat ase kaa tekkek, tonnal gaba keenil heeyyooh, maaqo akak geyak sugen arooca keenik bayseyyo. Qulul ruubeyyooh; saq kee ummat akah tambaxe'nnah abeyyo.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Caggay 1:10

Naafi akah rade waah, daro akah orbise waytaanam kaadu tohu.

Zakariyya 14:17

YALLAY Nabaamak Nabahiyya isinni malikih intit able waah, Yarusalaamal kaa aqbude waa marih baaxol, rob marada.

Malaaki 3:10

Away yi Qibaadah-Qaril niqmat akah yamagge innah, dakaatak tu cabe'kal baahaay, Qibaadâ-Qaril hayisa. Too duyye Qibaadâ-Qari bahteenik, qaran afoofi fakka heeh, amqinnaan niqmatay qadad sinni siinih ruubeyyom able liton. Toh siinik intam yoo YALLAY Nabaamak Nabahiyya.