1 Malikwa 8:3 - NABUWWA KEE MALIKWA

^3-4 Sarrak Israayil ummattak saqoltih yen mari elle yani ikkel, seeka Qahdih-Sandug ukkuqqa hayteh Yallih Qibaadah-Qari fan beyte. Leewih yooboke mara kee seeka, Yallih Nabnah-Siraq kee tet addal sugte duyye inkih Yallih Qibaadah-Qari fan been.

1 Malikwa 8:3 ပူးပေါင်းရင်းမြစ်များ

2 Samuwel 6:12

Malik Dawud Yallih Qahdi addat akak yan Sanduguk gexxaamah, YALLI Yoobad-Edom kee kay buxah marat barkat hee 'yaanam yoobbe waqdi, gexeh, woo Sandug Yarusalaam fan baahe. Gital too Sandugih-bahti kaxxam assakaxxayuk africuk yemeeten.

1 Malikwa 8:6

Tohuk gaba kalen waqdi, seeka YALLIH Qahdih-Sandug ukkuqqa hayteh, Yallih Qibaadâ-Qarik addal, Kulliimik-Taahiriinoh-Yayse-Goliy iqiyat raaqahiyyah addal daffeyseenih, woo galwa leemih ceeloh gubal heen.

1 Aydaad 15:2

Tohuk lakal usuk iyyeemih, «Qahdi Sandug Leewih yaabuke mari yakkuqay. Macaay inteenik, YALLI iyyeemih, ‹A Sandug yakkuqeenim kee, daayiman yoo yakdumeenimih taamah doorem, keeni› » 'yaanam iyye.

Yoosuwa 3:3

too waqdi keenik iyyeenimih, «Seeka, YALLAY sin Dagelta kinnihiyyah qahdi addat akak yan Sandug, quukah baahah tablen waqdi, litoonum ussukuqay ken kataata.

Yoosuwa 3:6

Sarrak seekak, «Isin kaadu Qahdi-Sandug luk ummattak foocat gexa» iyye. Seeka usuk iyyem abte.

Yoosuwa 4:9

Yoosuwa kaadu taban kee namma xaa Ordon gudel Qahdi-Sandug tabbixe seeka elle solta ikkel soolise. Woo xeet uxih a saaku fan tokkel yan.

Yoosuwa 6:6

Too yab yoobbek lakal, Yoosuwa seekah seeceh annah keenik iyye. «YALLIH-Qahdih-Sandug beyaay malcina seekiy maruw gaysak bicsen baanta lehiyya foocat isinnik haa. ‹Woo Qahdih Sanduguk foocat gexa› keenik inxica» iyye.