1 Malikwa 8:25 - NABUWWA KEE MALIKWA

²⁵ Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

1 Malikwa 8:25 ပူးပေါင်းရင်းမြစ်များ

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

1 Malikwa 8:24

Yi abba Dawuduy ku naqasuh yeneh culte xagana duudusseh. Duma edde yabba intem inkih, tiya tiyah duudusseh.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.