1 Malikwa 8:24 - NABUWWA KEE MALIKWA

²⁴ Yi abba Dawuduy ku naqasuh yeneh culte xagana duudusseh. Duma edde yabba intem inkih, tiya tiyah duudusseh.

1 Malikwa 8:24 ပူးပေါင်းရင်းမြစ်များ

2 Samuwel 7:12

Atu rabtaah isi kaxxa abbobti lih tamoogoqu wayta saaku, ku xaylok numuk teena malikih heeyyooh, kay reeda qande bahsiiseyyo.

2 Samuwel 7:16

Ramad kok mabayaay, ku ramad kee ku doolat elle raaqeleeh, kulli way waarele› kaak inxic» iyye.

1 Malikwa 8:15

Tohuk lakal iyyeemihii, «YALLAY Israayil doore Dagelta kinnihiyya fayla taafay. YALLI isi gabat y'abba abe xagna duuduse» iyye. Kaadu qagseh, iyyemii, «YALLI duma y'abbak,

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

1 Malikwa 8:25

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

Yoosuwa 21:45

YALLI Israayil marah abeyyo axcuk xagana akah culeemik tu keenil mamakinnay, inkih keenih duuduse.

Makaabon 13:11

Too waqdi Manowac ugutta 'yeh tet kataye. Woo numul amma 'yeh, «Ama barra lih yaabak sugtem koo maay kinni?» kaak iyye. Woo numuuy, «Yeey, yoo kinnih» kaak iyye.