1 Malikwa 7:50 - NABUWWA KEE MALIKWA

⁵⁰ figaaginiiy, faanuswa edde bargusan afti-xaylooy, sacnitteey, qeerisan qaydarus elle haan mingilwa kee, xikcin elle haan kabaaba inkih, saafik yan dahabak bicsiise. Tohuk kalah kaadu, Kulliimik-Taahiriinoh-Yayse-Goli kee Qibaadah-Qarik iro le kabuk akak culan albaab tabbixe duyye inkih dahabak bicsiise.

1 Malikwa 7:50 ပူးပေါင်းရင်းမြစ်များ

2 Malikwa 12:13

Takkay immay too lakqot, lakqok bicsen kobbaayiy kee sacnitte kee faanus edde bargusan afti-xaylooy, baanta kee, tonnah kaadu, woo Qibaadah-Qarih addal sugte duyyey lakqo kee dahabak bicseenihiyyak tu edde mabicsinnon.

2 Malikwa 25:15

Wohuk kalah, qaskar abbah yen num, dahab kee lakqok bicissa heen duyyey sugga 'tek xikcin elle haan kabaabaay qunxa sacnitte kee disti agantah, tu macabinnaay inkih beeh.

Ermiyaas 52:19

Wohuk kalah, qaskar abbah yen num, dahab kee lakqok bicissa heen duyyey sugga 'tek, qunxa sacnitte kee, xikcin elle haan kabaaba kee, rifan lee addal akak haan sacnitte kee buutitteey, faanuswa elle daffeysan cooxuuy, qaydarus elle baahan qunxa sacnitte kee, faaroh kamri elle xayyoysan mingilwa inkih bee.

Yacedkel 41:4

Iqiyat yan goli yakkeh gide affara kaalib yimittire waqdi, tabna mitri yekke. Ta goli woo fanti golik aki-qaxat raaqak yen. Sarrak yok iyyeemih, «Aham Kulliimik-Taahiriinoh-Yayse-Goli» iyye.

Zakariyya 14:20

Too saaku faarisik fillat haan baadontak bagul, «YALLAH rikeek heenimi» 'yaanam kutbeh heelon. YALLIH Qibaadah Qarih addal maaqo addat akak alaysan buutitte, sadgat elle aban aracal tan sacnittek kaxxih, taahirik gacele.