1 Malikwa 7:47 - NABUWWA KEE MALIKWA

⁴⁷ Suleeman a duyye qilsak leh gide yable'gidih, miizaanal haamak kaxxam manguk teneeh; tohuk gexxaamah qilsak leh gide taaxigem mananna.

1 Malikwa 7:47 ပူးပေါင်းရင်းမြစ်များ

2 Malikwa 25:14

Tonnah kaadu, nacaasak bicissa heen duyyey Qibaadâ-Qarih-taama edde abak sugeenihiyyak gombod elle caxan mingilwaay badiilaali kee faanuswa edde bargusan afti-xaylooy qaydarus elle qeerisan mingilwa kee, wohuk kalah tan duyyey nacaasak bicseenihiyya Yallih-Qibaadah-Qarih addak weerra heeh bee.

2 Malikwa 25:16

Malik-Suleeman YALLIH Qibaadah-Qarih bicseh suge duyyek namma qamiddu kee, gaariira kee, kaxxa tanakay kaxxa qilsa luk yenehiyya loowo sinni nacaasak bicsen.

1 Aydaad 22:14

Qibaadâ-Qarih xisneh tiyakaa, innih akah taqabba exceh; a qaril haytu wayta dahabak sidiica malyoonih kiilok fula yakke dahab kee, soddom malyoonih kiilok fula takke lakqo gaabossa heeh cabeh an. Tohuk kalah kaadu, loowo sinni nacaas kee biriita a qarih xisneh gaaboyseh an. Tonnah kaadu xisnê-coox kee xeetik mangom gaaboyseh ani'mmay ahak raqtam atu isih edde osissaama.

1 Aydaad 22:16

dahab kee lakqo kee nacaas kee birtak mansafwâ-bicsa yaaxigehiyya kaadu lito. Tahak wadir taama qimbissaamaay, YALLI koo elle catay» kaak iyye.

1 Aydaad 22:3

Dawud isih, bisaamir kee alifu tabbixe duyye edde bicsaana'gidih, mango biriita keenih yecee. Toh akah abem, Qibaadâ-Qarih-afoofi edde bicsaana'gidik ten. Tohuk kalah nacaasak loowo sinnim yecee.

2 Aydaad 4:18

Duyyek bicseenim mangoomuk teneeh, tohuk gexxaamah a duyyeh bicsaah nacaasak faxxinteh gidek loowo yaaxige num mayan.

Ermiyaas 52:20

Malik Suleeman, YALLIH Qibaadah-Qarih taamah nacaasak tumammi bicseh suge. Tohumuu, namma qamidduuy gaariiraay kaxxa tanak kee woo kaxxa tanak rakuh elle yen taban kee nammay takke awurwah ceelok ten. Too tumammi inkih akak bicseenim, qilsah yakkeh gide akak amixxige waa nacaasak ten.