1 Malikwa 7:28 - NABUWWA KEE MALIKWA

^28-29 Naharak nacaasak affara rukni bicseeniih, tohuk sarra galdaddaqin nacaas addal heen. Woo galdaddaqin nacaasak bagul lubak kee awuruuy, galwa leemih taswiir aben. Woo affara rukni bicsen nacaasak bagul kaadu woo gurral yan tasaawir heen. Woo taswiirih guba kee dagal silsilat ceela taswiir heen. Tabna gaari elle bicseenim, tonnak ten.

1 Malikwa 7:28 ပူးပေါင်းရင်းမြစ်များ

1 Malikwa 7:27

Tohuk kalah kaadu, tabna gaari nacaasak bicse. Woo tabna gaarik kulli gaari, xexxaarah affara cusul akkuk teneeh, baguh kaadu affara cusul akkuk teneeh, sidooca cusul kaadu fayyah luk ten.

1 Malikwa 7:40

Curam tohuk kalah kaadu gombod elle caxan distiiy, badiilaali kee, rifan qabala kee lee elle haan sacnitte bicse. Curam Suleeman kaal yecee taamak gaba kaleeh, YALLIH Qibaadah-Qarih-taama seleh. Usuk bicse duyye ah teeti:

2 Malikwa 16:17

Acad kaadu YALLIH Qibaadah-Qaril ten nacaasak bicsen gaariirak galdaddaqin nacaas kaleeh, woo gaariirah amol sugte sacnitte wokkek kaleh. Tonnah kaadu, taban kee namma awur ceeloy nacaasak bicseenihiyyah amol yen kaxxa tanakay nacaasak bicseeni wokkek kalla heeh, xaak bicsen rakiiboh amol hee.