1 Malikwa 7:21 - NABUWWA KEE MALIKWA

²¹ Curam too namma qamidduy nacaasak bicseenihiyya Qibaadâ-Qarih adda akak culan naharsi golik foocal hee. Migda le kabul yen qamiddi migaaqah Yaakin deqsitak yen; gura le kabul yen qamiddi Booqas deqsitak yen.

1 Malikwa 7:21 ပူးပေါင်းရင်းမြစ်များ

2 Samuwel 7:12

Atu rabtaah isi kaxxa abbobti lih tamoogoqu wayta saaku, ku xaylok numuk teena malikih heeyyooh, kay reeda qande bahsiiseyyo.

1 Malikwa 6:3

Qibaadâ-Qari akak culan naharsi goli xexxaarah tabna cusul akkuk ten. Qibaadâ-Qari baguh labaatanni cusul takkeh, tonnah kaadu, a exxa inki gid takke.

1 Malikwa 7:12

Malik-qarih-kaxxa-daarat kee, Qibaadâ-Qarih-addah-daarat kee Qibaadâ-Qarih-adda akak culan naharsi goli inkih, sidooca xaay oreenihiyyay tittin bagul heenik xisen. Woo xeetik amo le kabul sariida heen. Kulli gidaarak daga raaqa aracah amma 'yaanamah tonnal bicsen.

1 Malikwa 7:22

Birro weelo luk yen nacaasak bicsen namma mansaf namma qamiddih amot yen. Qamidwâ-bicak tonnal gaba kalen.

2 Aydaad 3:17

A namma qamiddu elle sooliseenim, Qibaadâ-Qarih culmak a gambi kee woo gambik ten. Qari akak culan afak migdi kabuk soolisen qamiddi migaaqah Yaakin deqsitak yen. Guri kabut soolak yen qamiddi migaaqah Booqas deqsitak yen.

2 Aydaad 4:13

rummaanat tasaawiriy affara bool mangah yakkehiyya bicse. Too tasaawir qamiddi amot tan duyyey sacni af lehiyyak bagul, tittat yoxeen silsilatih bagul, kulli mansafak a exxaay woo exxak namma rooruh hayya heenih duuduseenih yenen.

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ruut 2:19

Too waqdi Noqmi teetik inteemih, «Darok a gide elle tifiilem ankeey? Koh a taama yecee numut Yalli barkat haayik, elle taamitak assem iyyin buqreey?» teetik inte. Ruut elle taamitak sugte arac teetih warisseeh, «A saaku buqrel akak taamitak sugem, Booqas deqsita numu» teetik inte.